Jat wiˈix mas oy xytyunëdë Diosë tyuunk: wiˈix xyˈatsoojëmbitët ko jäˈäy tjëjpkugäjpxët

¿Tiko jyëjpˈamëty? Nˈokpëjtakëm ko xynyijawë ko ta myiny tuˈugë ayoˈon mä mayë jäˈäy jyantsy yˈoogäˈändë pën kyaj tˈëxtäˈäytyë mä tsyoˈoktët. Ta xynyinëjkxy ja mëdëjkpäˈä parë xytyukˈawanëyaˈany, per ta mˈanëˈëmxëty ko tuump jap. ¿Mjëmbijtkojëp ets kyaj ti xynyekytyunët? ¡Kyaj! Tyam, nanduˈun mayë jäˈäy kyaj tkupëktë ja ää ayuk diˈib ndukninëjkxëm mët ko kyaj tnijawëdë ko mbäät yajnitsoˈogëdë. Mbäät kyaj xykyupëjkëm ko ninëjkxëm mët ko jam ti tmëmay tmëdäjtë (Mat. 24:37-39). O waˈan të tmëdowdë ko axëëk nyajnimaytyakëm (Mat. 11:18, 19). O wyinmaytyë ko ëtsäjtëm nanduˈun extëm wiinkpë relijyonk diˈib kyaj tijaty oy ttundë (2 Peed. 2:1, 2). Pën ja jäˈäy jyëjpkugäjpxëp, kyaj yˈoyëty ets netyë njëmbijtëm.