¿Wiˈixë netyë jukyˈäjtën mä ja lugäärë tsujpë?

Jyobaa ojts tijaty tmoˈoyë Adán mëdë Eva (Génesis 1:28)

Jyobaa yëˈë yajkojë Eva, ja tim jawyiimbë toxytyëjk, ets ta tmooyë Adán parë tnëdoˈoxyˈatët (Génesis 2:21, 22).

Jyobaa wäˈäts jäˈäy ojts yajkojëdë, nimää kyamäˈätˈattë.

Jam tsyënääytyë mä ja it lugäärë tsujpë diˈib xyëˈäjt Edén, mä jyamˈäjty: mayë jëyujk, ääytsyäˈäm ujtstsäˈäm etsë kom nëë.

Jyobaa yëˈë diˈibë ijty mëgäjpxëdëp ets tukniˈˈijxëdëp. Mbäädë nety jyukyˈattë xëmëkyëjxm mä ja it lugäärë tsujpë, pën mëdoodëp.

Dios ojts yˈanëˈëmxëdë ets kyaj tjëˈxtët ja ujts tsäˈäm diˈib mä tuˈuk ja ujts kepy (Génesis 2:16, 17)

Dios ojts tˈanëëmë Adán mëdë Eva mä ja it lugäärë tsujpë ets kyaj tjëˈxtët ja ujts tsäˈäm, pën jyëˈxtëp ooktëp.

Ta tuˈugë Diosë yˈanklës nyibëdëˈkë. Tyäˈädë anklësë axëkjäˈäybyë, yëˈë Mëjkuˈu Satanás.

Satanás kyaj ttsejky etsë Adán mëdë Eva tmëmëdowdëdë Jyobaa. Pääty dyajtuuny tuˈugë tsäˈäny ets tˈanmääyë Eva ko pën jyeˈxypy ja ujts tsäˈäm kyaj yˈoogët, duˈun yˈitët extëmë Dios. ¡Per yajwinˈëˈëmbë nety! (Génesis 3:1-5; 1 Timotee 2:14.)