LEKSION 57
¿Wiˈix myajpudëkëyaˈany ko mbokytyunët mëjwiin kajaa?
Oy mëk xyjyatsokyë Jyobaa ets xyjyajëjpkudijë tijaty axëëk yajnayjyäˈäwëp, seguurë ko mdëgoyäämp näˈäganäˈäjëty. Ta poky kaytyeyë mëjwiin kajaabë ets ta mëdiˈibë kyaj (1 Korintʉ 6:9, 10). Ko mbokytyunët mëjwiin kajaa, jamyats ko duˈunyëmë Jyobaa mtsokäˈänyëty, mbokymyaˈkxäˈänyëty ets mbudëkëyaˈanyëty.
1. ¿Ti mbäät nduˈunëm parë Jyobaa xypyokymyaˈkxëm?
Ko tuˈugë jäˈäy mëdiˈibë tsyojkypyë Jyobaa tkupëky ko të jyantsy tyuundëgoy, jantsy axëëk nyayjyawëty. Perë Jyobaa duˈun jyotkujkmoˈoyëty extëm tˈanmääy ja nyax kyäjpn: “Oyë mboky të jyëmbity tsapts, wäˈätsäämp jantsy poop extëmë tëtsn” (Isaías 1:18). Pääty pën jodëmbijtëm amumduˈukjot, Jyobaa xypyokymyaˈkxäˈänëm. ¿Per tidën yˈandijpy njodëmbijtëm amumduˈukjot? Ko nmëkjäˈäwëm ti të nduˈunëm, nmastutëm ja poky kaytyey ets nˈanmäˈäyëmë Jyobaa waˈan xypyokymyaˈkxëm. Ta net nduˈunëmë mëjääw ets nyajtëgäjtsëm ja jot winmäˈäny, nmastutëm tii të xyajtuundëgoˈoyëm etsë net njukyˈäjtëm extëmë Jyobaa dyajnigutukë (käjpxë Isaías 55:6, 7).
2. Ko nbokytyuˈunëm, ¿wiˈixë Jyobaa dyajtunyë mëjjäˈäytyëjk parë xypyudëjkëm?
Jyobaa yˈanmaapy ja mëdiˈibë të pyokytyuny mëjwiin kajaa ets tmëtmaytyäˈägët “ja mëjjäˈäytyëjk mëdiˈibë tuundëp mä nduˈukmujkëm” (käjpxë Santiago 5:14, 15, TNM). Yäˈädë mëjjäˈäytyëjk tsyojktëbë Jyobaa ets ja myëguˈuktëjk, nyijäˈäwëdëp nanduˈun wiˈix mbäät xypyudëjkëm parë jatëgok oy nˈijtëm mëdë Jyobaa (Galasyʉ 6:1).
¿Wiˈix xypyudëkëyäˈänëm ja mëjjäˈäytyëjk ko nbokytyuˈunëm mëjwiin kajaa? Nimajtsk o nidëgëëk ja mëjjäˈäytyëjk xytyukˈixäˈänëm mä Biiblyë ko kyaj yˈoyëty mëdiˈibë të nduˈunëm. Xypyudëkëyäˈänëm ets xymyoˈoyäˈänëm ja ëwij käjpxwijënë parë kyaj jatëgok nbokytyuˈunëm. Mbäät nanduˈun xyˈanmäˈäyëm tijaty kyaj ndunäˈänëm tuk tiempë mä nduˈukmujkëm, axtë koonëm jatëgok oy nyajpatëm mëdë Jyobaa. Pën tuˈugë jäˈäy të pyokytyuny mëjwiin kajaa ets kyaj jyodëmbity, ta yajjuudäˈäny mä Diosë kyäjpn, net kyaj dyajmäˈädët ja myëguˈuktëjk.
AK NIJAWË NIˈIGYË
Jaygyukë wiˈixë Jyobaa xypyudëjkëm ko nbokytyuˈunëm mëjwiin kajaa ets kuˈëw kukäjpxë.
3. Nˈokmaytyakëm ja poky kaytyey parë jatëgok oy nˈijtëm mëdë Jyobaa
Oy ti poky kaytyey nduˈunëm, axëëgë Jyobaa dyajnayjyawëty, pääty jëjpˈam ets ndukmëtmaytyakëm ti të nduundëgoˈoyëm. Käjpxtë Salmo 32:1-5 ets nimaytyäˈäktë mëdiˈibë yä yajtëëpy:
¿Wiˈix ndukˈoyˈatäˈänëm ko Jyobaa ndukmëtmaytyakëm ti të nduundëgoˈoyëm ets kyaj nguyuˈtsëm?
Oy ko Jyobaa ndukmëtmaytyakëm ti të nduundëgoˈoyëm, per oy nanduˈun nnayjyawëyäˈänëm ko nˈamdoˈowëmë naybyudëkë ja mëjjäˈäytyëjk. Ixtë BIDEO ets nimaytyäˈäktë mëdiˈibë yä yajtëëpy:
Extëm të nˈijxëm mä bideo, ¿wiˈix ja mëjjäˈäytyëjk tpudëjkëdë yäˈädë nmëguˈukˈäjtëm ets jatëgok tnijëmbitëdë Jyobaa?
Kyaj yˈoyëty tii ndukwinguyuˈtsëm ja mëjjäˈäytyëjk mët ko yëˈëjëty mbäät xypyudëjkëm. Käjpxtë Santya̱ˈa̱gʉ 5:16 ets nimaytyäˈäktë mëdiˈibë yä yajtëëpy:
Wiˈix mˈokwinmay, ¿mbäädëdaa mëjjäˈäytyëjk mas pojënë xypyudëjkëm ko ti ngatukwinguyuˈtsëm?
Tukmëtmaytyäˈägë Jyobaa ti të xytyuundëgoy, këdii ti xytyukwinguyuˈutsy ja mëjjäˈäytyëjk ets kupëkë Jyobaa nyaybyudëkë.
4. Jyobaa tyukˈijxypy ja pyaˈˈayoˈowën pënaty të pyokytyundë
Pën tuˈugë jäˈäy të pyokytyuny mëjwiin kajaa ets kyaj tnekymyëmëdowäˈänyë Jyobaa yˈanaˈamën, ta yajjuuty mä Diosë kyäjpn ets kyaj mëët tuˈugyë tijaty nduˈunëm o mëët ngääymyujk nˈukmujkëm. Käjpxtë 1 Korintʉ 5:6, 11, ets nimaytyäˈäktë mëdiˈibë yä yajtëëpy:
Duˈun extëm ja lebaduurë dyajpëdëˈëgyë tsäjpkaaky jyëtsy, ¿waˈandaa nanduˈun dyajmäˈädët ja nmëguˈukˈäjtëm ko nduˈukmujkëm mët ja pokyjyaˈay mëdiˈibë kyaj jyodëmbity? ¿Ets tiko?
Mëjjäˈäytyëjkëty yajnigëxëˈkxtëbë paˈˈayoˈowën extëmë Jyobaa, pääty tˈëxtäˈädë pënaty të yajjuuttë mä Diosë kyäjpn ets tpudëkëdë. Nimayë nmëguˈukˈäjtëm të jatëgok jyëmbittë, ¿tiko? Jaˈko pudëjkëdë parë ojts dyajˈyeˈeytyë jyot wyinmäˈäny, oy mëk tˈokjäˈäwëdë ko yajjëjpwijtsëmbijttë (Salmo 141:5).
¿Wiˈixë Jyobaa ttukˈixy pënaty të pyokytyundë ko pyaˈˈayoopy, tsyojkypy ets ko të ttuny ja tëyˈäjtën?
5. Jyobaa xypyokymyaˈkxëm ko njodëmbijtëm
Jesus pyëjktak tuˈugë ijxpajtën mëdiˈibë xytyukjaygyujkëm wiˈixë Jyobaa nyayjyawëty ko tuˈugë jäˈäy jyodëmbity. Käjpxtë Lukʉs 15:1-7 ets nimaytyäˈäktë mëdiˈibë yä yajtëëpy:
Extëm yajnimaytyaˈagyë yäˈädë ijxpajtën, ¿wiˈixë Jyobaa jyaˈayˈaty?
Käjpxtë Ezequiel 33:11 ets nimaytyäˈäktë mëdiˈibë yä yajtëëpy:
¿Ti tsojkëp nduˈunëm parë nyajnigëxëˈkëm ko të njantsy jyodëmbijtëm?
Jyobaa duˈun extëm tuˈugë borreegë kuentëˈäjtpë, jyantsy myëmääy jyantsy myëdajpy ja byorreegë.
NÄÄGË JÄˈÄY JYËNÄˈÄNDË: “Tsëˈkëbëts ndukmëtmaytyäˈägëdë mëjjäˈäytyëjk tits të nduundëgoy, pes ko tnijawëdët xyjyuudandëbëts mä Diosë kyäjpn”.
¿Wiˈix xyˈanëëmët ja nmëguˈukˈäjtëm mëdiˈibë duˈun winmaapy?
TI TË NJÄJTËM
Jyobaa xypyokymyaˈkxäˈänëm ko nbokytyuˈunëm mëjwiin kajaa, per net ko njodëmbijtëm amumduˈukjot ets nmastutëm ja axëkˈäjtën.
Ajamyatsë
¿Wiˈix ndukˈoyˈatäˈänëm ko ndukmëtmaytyakëmë Jyobaa ti të nduundëgoˈoyëm?
¿Ti mbäät nduˈunëm parë Jyobaa xypyokymyaˈkxëm?
Pën pokytyuˈunëm mëjwiin kajaa, ¿tiko yˈoyëty nˈamdoˈowëmë naybyudëkë mëjjäˈäytyëjk?
AK PAYEˈEY
Ix wiˈix tuˈugë yetyëjk ttukˈoyˈajty ko Jyobaa pyaˈˈayoowë extëm jyënaˈanyë Isaías 1:18.
Wiˈixë mëjjäˈäytyëjk tpudëkëdë ja mëdiˈibë pokytyuump mëjwiin kajaa.
Pënaty kyaj jyodëmbity, nanduˈun yajtukˈixtë ko yajpaˈˈayoowdëp ets yajtsojktëp. ¿Wixaty yajtukˈixtë?
“Wiˈix yajpudëkëdë pënaty të yajjuuttë mä Diosë kyäjpn?” (Diˈib Xytyukˈawäˈänëm, agostë 2024)
Nijawë wiˈix tuˈugë yetyëjk tpëjkyë kuentë ko Jyobaa nety jatëgok mëjwoowëp, mä jyënaˈany “Tsojkëbëtsë nety jatëgok nnijëmbitëdë Jyobaa”.
“Biiblyë yëˈë yajtëgäjtsëdë jyukyˈäjtën” (Myiny mä Diˈib Xytyukˈawäˈänëm)