LESSON 54
Nani wena “muhiga u gwigama kega u mayela” kega gisalu gigi a guhanganga?
Yezu ena Fumu u dibundu di Ukristu. (Baefezo 5:23) Mwaniowu Yezu ena Fumu gu wulu, ena mu guhangila “muhiga u gwigama kega u mayela” mu gudwadisa alongogi endji. (Danga Matayo 24:45.) “Muhiga” yu Yezu ye beni u gamushidi, ada ena yi ndambu yi giyega ye ma gulemfugilanga Kristu kega a guhanganga mumwila yi mapimbu m’apangi’a Yezu. Muhiga beni ena nani? Kega pila yigi a gulungisanga manzala medu?
1. Nani wena “muhiga u gwigama kega u mayela”?
Yehowa a guhangilanga dangu di kima yala u moshi to gimvuga gi amala mu gudwadisa asadi endji. (Malaki 2:7; Baebreo 1:1) Gu dima di lufwa lu Yezu, atumwa kega ankulutu gu Yeruzalemi a gadwadisanga dibundu. (Bisalu 15:2) Pila yi moshi kega mwaniowu, gimvuga gi djigi-djigi gi ankulutu—gisongidila To-Gimvuga gi Ambangi a Yehowa—a guduhwanga madia ma gimpeve kega a gudwadisanga gisalu gi gulonga sangu ji pimbu. Gimvuga gi gidjigi-djigi gi ankuluntu giena “muhiga u gwigama kega u mayela ayo [Yezu] a gashidi.” (Matayo 24:45a) Apangi a kima a To-Gimvuga ena Akristu o a gasa mashi mu mpeve, ma gumenanga yi nzala yi ngolu dangu dio di’agayala yi Yezu mu Gifumu gi wulu mbi lujingu lowu lu suga a wulu di manu.
2. Muhiga u gwigama a guduhwanga madia meki ma gimpeve?
Yezu a gahoshidi mbi muhiga u gwigama “a gabala guhwa [apangi endji Akristu] madia mowu mu dangu di fwana.” (Matayo 24:45b) Gaga pila yi dwena dia madia mo ma gudusadisanga mu gukala ngolu kega yi sante di pimbu, madia ma gimpeve—gisongidila malongi ma Ndaga yi Nzambi—ma guduhwanga ngolu ji dwena kala joji mfunu mu gulaba gukala a gwigama gwena Yehowa kega guhanga gisalu gio gi gaduhwedi Yezu mu guhanga. (1 Timoteo 4:6) Du gusendanga madia ma gimpeve gu malugudaganu ma dibundu kega gu m’asamble, mu miganda mio mi gudendulanga Bible kega mu mavideyo mo ma gudusadisanga mu gwishiya pimbu luzolu lu Nzambi kega gugumisa gindugu giedu yi ye ngolu.
WISHIYA KEGA MAMBU MENGI
Dala mumwilegi dwena yi mfunu yi “muhiga u gwigama kega u mayela”—gisongidila To-Gimvuga.
To-Gimvuga yigulesanga Ambangi a Yehowa mu gifudji gikima mambu m’afe hanga, gu’ahwa madia ma gimpeve kega ludwadisu lu’agukalanga lolu funu
3. Asadi a Yehowa a fe hanga mambu mu ndonga
Mu ludwadisu lu Yezu, To-Gimvuga yi gudwadisanga gisalu gi’Ambangi a Yehowa. Yezu a gu’adwadisanga gaga pila y’agadwadisanga Akristu a tegu. Dalenu VIDEYO.
Dangenu 1 Bakorinto 14:33, 40, gu dima hanenu mvudu mu muwu wu:
Pila yigi maverse ma mabalesa mbi Yehowa ena zola mbi Ambangi endji a hangi mambu mu ndonga?
4. Muhiga u gwigama a gudwadisanga gisalu gi gulonga sangu ji pimbu
Gisalu gi gulonga sangu ji pimbu gi gakedi gisalu gi guhida mfunu mumwila yi Akristu a tegu. Dangenu Bisalu 8:14, 25, gu dima hanenu mamvudu mu miwu mi:
Anani a gadwadisanga gisalu gi gulonga sangu ji pimbu mu yilumbu y’Akristu a tegu?
Piere yi Yoane a gahangidi yigi dangu apangi owu atumwa a g’adumini mu gulonga sangu ji pimbu?
Gulonga sangu ji pimbu gwena gisalu gi guhida mfunu gio gi gudwadisanga To-Gimvuga. Dala VIDEYO.
Yezu a galeshidi gibeni mbi gisalu gi gulonga sangu ji pimbu giena mfunu yingi. Dangenu Marko 13:10, gu dima hanenu mamvudu mu miwu mi:
Mumwilegi To-Gimvuga yi gusendanga gisalu gi gulonga sangu ji pimbu mu valere dingi?
Mumwilegi dwena kala yi funu yi “muhiga u gwigama kega u mayela” mu guhanga gisalu gi, gi gulonga mu manu makima?
5. Muhiga u gwigama ma gudulesanga mambu ma du fe hanga
To-Gimvuga yi gulesanga Ambangi a Yehowa mu gifudji gi kima mambu m’afe hanga. To-Gimvuga yiguhanganga yigi gu twala yi gudwambila mambu ma du fe hanga? Dudadi pila To-Gimvuga yi Akristu a yilumbu yi tegu yigahanganga. Dangenu Bisalu 15:1, 2, gu dima hanenu mamvudu mu miwu mi:
Yigi yigadushidi mavanga mu gadji di’Akristu ega a tegu?
Mu guyidiga mavanga beni, Polu, Barnabasi yi Akristu ega a gedi gwena nani mu gugamba lusadisu?
Dangenu Bisalu 15:12-18, 23-29, gu dima hanenu mvudu mu muwu wu:
Gu twala yi gusenda luganu, to-gimvuga yigahangidi yigi mu gwishiya luzolu lu Nzambi mu mambu mo m’agadadilanga—Dala maverse 12, 15, yi 28.
Dangenu Bisalu 15:30, 31 kega 16:4, 5, gu dima hanenu mamvudu mu miwu mi:
Akristu a tegu a gahangidi yigi dangu To-gimvuga yiga ambididi mambu mo ma galombidi mbi a hangi?
Pila yigi Yehowa a gasagumunini ulemfu wowu?
Dangenu 2 Timoteo 3:16 kega Yakobo 1:5, gu dima hanenu mvudu mu muwu wu:
Mwaniowu, apangi a To-Gimvuga a gugambanga ludwadisu kwi dangu di aguzolanga gusenda maluganu?
HADU EGA ENI GUHOSA MBI: “Mbi m’uba laba mambu ma To-Gimvuga, wishiya mbi uba laba mangindu ma hadu.”
Mumwilegi u ba gumbula mbi Yezu wena dwadisa To-Gimvuga?
MU KUFI
To-Gimvuga yena “muhiga u gwigama kega u mayela” yo Kristu a gashidi. Yi gudwadisanga Ambangi a Yehowa a gifudji gi kima kega mu yigu’ahwanga madia ma gimpeve.
Mvudugilu
Nani u gashidi “muhiga u gwigama kega u mayela”?
Pila yigi To-Gimvuga yigulungisanga manzala medu?
M’uba gumbula mbi To-Gimvuga yena “muhiga u gwigama kega u mayela”?
DALA KEGA
Dala pila To-Gimvuga yigukalanga yiguyilamana pimbu-pimbu mu guhanga gisalu giowu.
“To-Gimvuga yi Ambangi a Yehowa yena yigi?” (Disolu dio diena mu jw.org)
Dala pila To-Gimvuga yiguhanganga yigesa yingolu mumwila du sendji madia ma pimbu ma gimpeve.
Du gudusanga miganda yi mavideyo mo ma guhosanga mambu ma giediga (17:18)
Pila yigi apangi a To-Gimvuga a gudadilanga mukumba wo, u g’ahwedi Yezu?
Pila yigi malugudaganu ma dibundu kega m’asamble ma gulesanga mbi Yehowa u gudwadisanga To-Gimvuga?