DILONGI 12
Yigi yigagusadisa mu gulaba gulonguga Bible?
Gulonguga gu Bible guguneyanga mapimbu mengi. Ada gio, gugulombanga yigesa. Ma dangu mega, u le dihula mbi u le guga gulonguga Bible tii gu suga. Mumwilegi gwena funu mu guhanga yigesa yi gulaba gulonguga? Yigi yi le gugusadisa mu gulaba gulonguga ada muna wanagana yi mapashi?
1. Mumwilegi gulonguga gu Bible gwena funu?
Bible “Ndaga yi Nzambi yena yi moni kega yi ngolu.” (Baebreo 4:12) Bible diena funu mumwila di gudulesanga mangindu ma Nzambi kega pila y’agugudadilanga. Mu dia gusadisa mu gwishiya mambu mengi, mu guguma yi mayela ma gigidi kega givuvu. Gima gi guhida funu giena mbi, Bible mu dia gusadisa mu guguma ndugu u Yehowa. Gulonguga gu Bible mu gweni gudomisa gibeni lujingu lwedu.
2. Mumwilegi u fe gwigila mbi malongi ma Bible mena funu?
Malongi ma Bible mena nga yimvama yi funu. Tunda Bible di gudulombanga mu “gusumba giediga kega mu gukonda gwadiga giediga ada ki.” (Bingana 23:23) Mbi mu dwena bagisa mbi malongi ma Bible mena funu, mu dwa hanga gingolu-ngolu—ada mu duna wanagana yi mapashi.—Danga Bingana 2:4, 5.
3. Pila yigi Yehowa a le gugusadisa mu gulaba gulonguga?
Yehowa ngangi yo wena mweni ngolu ji kima kega ndugu wayi, mana zola gugusadisa mu gumwishiya. M’aguhwa “nzala yi ngolu ji guhanga mambu.” (Danga Bafilipi 2:13.) Madangu mega, mbi wena yi funu yi guguma yi nzala yingolu yi gulonguga kega guhangila mambu ma una longuga, m’agugusadisa. M’aguhwa ngolu jo ji wena joji funu mumwila u gandji mudjima mu mapashi, to dangu hadu aba zola guguhwa pashi. Kosu dangu lombanga Yehowa mu gisambu mu gugusadisa mumwila mu gulaba gulonguga Bible.—1 Batesalonika 5:17.
WISHIYA KEGA MAMBU MENGI
Du dadidi mambu mo ma le gugusadisa mu gulaba gulonguga Bible, ada wena yi mambu mengi ma guhanga to hadu’ega ana zola guguhwa pashi. Kega du dadidi pila yigi Yehowa a le gugusadisa mu gulaba gulonguga Bible.
4. Sa gulonguga gwayi gu Bible mu gihani gi tegu
Madangu mega mu dwena kala yi mambu mengi ma guhanga mu lujingu, kega du le yindula mbi lō dwena kega yi dangu di gulonguga Bible. Yigi yi le gugusadisa? Dangenu Bafilipi 1:10, kega gudima, hanenu mamvudu mu miwu mi:
Yigi yena “mambu ma guhida funu” mu lujingu?
Pila yigi u le sa gulonguga gwayi gu Bible mu gihani gi tegu?
Mbi m’uzesa ekolo di moshi di zelu, gu dima m’umega gusa mamani, gihani gi gusa mamani lo giakala
Gashi, mbi m’uyandjiga tegu gusa mamani, gihani gi gusa zelu mu giakala. Pila yi moshi kega, mbi m’usa “mambu ma guhida funu” mu gihani gi tegu mu lujingu lwayi, mu wa zwa dangu di guhanga mambu beni kega mambu mega
Gulonguga gu Bible mu gweni gulungisa nzala yedu yi mambu ma gipeve—gisongidila nzala yi gwishiya Nzambi kega gumusambila. Dangenu Matayo 5:3, kega gudima, hanenu mvudu mu muwu wu:
Mapimbu megi wa senda mbi mu sa gulonguga gwayi gu Bible mu gihani gi tegu?
5. Laba gulonguga ada hadu ana zola mbi wegi gulonguga Bible
Madangu mega, hadu a le guguhelwisa mwila mumwila wegi gulonguga Bible. Dala mambu mo ma gaguminini Francesco. Dalenu VIDEYO, kega gudima, hanenu mamvudu mu miwu mi:
Mu videyo di, hadu a dibuda di Francesco yi andugu’endji, a gahangidi yigi dangu di’agambididi mbi mana longuga Bible?
Mumwila ye ma galabidi gulonguga Bible, mapimbu megi a gasendjidi?
Dangenu 2 Timoteo 2:24, 25, gudima, hanenu mamvudu mu miwu mi:
Hadu a dibuda diayi kega andugu’eyi, a guhosanga yigi pila yi u gulonguganga Bible?
Mu gudadila ma verse ma, yigi u le hanga mbi mudu mu moshi lo’ana sepela mumwila una longuga Bible? Mumwilegi?
6. Shila Yehowa mudjima mbi m’agusadisa
Mbi mu dunagumisa gindugu giedu yi Yehowa ngolu, mudwa guma yi nzala yi ngolu yi gumusepedisa. Ada gio, gu le kala pashi mumwila dwegi yigalulu yedu yi mbi mumwila mu gujidjisa mashigu mendji. Mbi gu gagugumina gadi, lō gwega. Yehowa m’agusadisa. Dalenu VIDEYO, kega gudima, hanenu mamvudu mu miwu mi:
Mu videyo di, yigalulu yigi yi mbi Jim a gegidi mumwila mu gusepedisa Yehowa?
Yigi yiba guyidugisa mu mbandu yendji?
Dangenu Baebreo 11:6, gu dima, hanenu mamvudu mu miwu mi:
Yehowa yigi a gahanga mumwila yi hadu o “agumugambanga mu masonga makima”—gisongidila, hadu o aguhanganga yigesa mu gumwishiya kega gumusepedisa?
Mambu ma mana lesa mbi Yehowa a gwifanga pila yigi dangu di agudaalanga yigesa yi u guhanganga mu gulonguga Bible?
MUDU MWEGA U LE GUGULA MBI: “Mumwilegi u gulonguganga Bible?”
Mvudu yigi wa hana?
MU KUFI
Ada gugulombanga yigesa mu gulonguga Bible, gulonguga gu Bible mugwa gugusadisa mu gujinga mvula yi mvula. Laba gushila Yehowa mudjima kega m’agusagumuna.
Mvudugilu
Mumwilegi malongi ma Bible mena funu?
Pila yigi u le sa “mambu ma guhida funu” mu gihani gi tegu?
Mumwilegi u fe samba Yehowa mu gugusadisa mu gulaba gulonguga Bible?
DALA KEGA
Dala mambu ma wana mo ma gasadishidi hadu engi mu guhangila dangu diowu mu mayela ma kima.
“Pila yi u le hangila dangu diayi mu mayela ma kima” (Telama! 2/2014)
Dala pila Yehowa a gasadishidi mugonusa mu moshi yo mulumi wenji lo agadalanga yigesa yo yi a gahanganga mumwila mu gusepedisa Nzambi.
Dala mapimbu mo ma gasendjidi yala mu moshi mumwila mugashi wendji ma galabidi gulonguga Bible.
Madangu mega, hadu ma gufundanga Ambangi a Yehowa mbi mena gabula mabuda. Mambu mo, mena ma gigidi?