DILONGI 46
Mumwilegi u fe gudihana gwena Nzambi kega gusenda mbodjiga?
Mumwila mu gudihana gwena Yehowa, u fe hanga lushilu mu gisambu kega gumwambila mbi u gasambila gaga ye kega u gasa luzolu lwendji mu gihani gi tegu mu lujingu lwayi. (Nkunga 40:8) Gu dima di gudihana, u le senda mbodjiga. Mbi m’usenda mbodjiga muwa lesa gwena hadu mbi u gadihana gwena Nzambi. Luganu lu gudihana gwena Yehowa, lwena luganu lu guhida mfunu mu lujingu lu mudu. Yigi yile g’upusa ayi mu gusenda luganu lu luguhida mfunu alo lu gasoba lujingu lwayi?
1. Yigi yife pusa mudu mu gudihana gwena Nzambi?
Zola di fe pusa mudu mu gudihana gwena Yehowa. (1 Yoane 4:10, 19) Bible diba hosa mbi: “Zola Yehowa Nzambi wayi mu mudjima wayi u kima, mu moni wayi u kima, mu mabanza mayi ma kima kega mu ngolu djayi ji kima.” (Marko 12:30) Du gulesanga mbi mu dwena zola Nzambi mu mambu ma du guhosanga kega ma du guhanganga. Gaga nga yala yi mugonusa o a guzolananga ngolu gibeni kega agugwelananga, zola diedu kega mumwila yi Yehowa diena dupusa mu gudihana gwena ye kega gusenda mbodjiga.
2. Malusagumunu meki Yehowa a gaguhwa mbi m’usenda mbodjiga?
Mbi m’usenda mbodjiga, u gengila mu dibuda di gieshi di Yehowa. Gu dima m’ugadala zola di Yehowa mumwila yi ayi mu mampila mengi, kega mu gapusana heyi-heyi yi ye, guhida pila yi wena mwaniowu. (Danga Malaki 3:16-18.) Kega ye a gaguma Dadeyi, ayi u gengila mu dibuda di apangi a manu ma kima o aguzolanga Yehowa kega aguguzolanga ayi. (Danga Marko 10:29, 30.) Gu gigidi, gwena yi ndambu yi mambu yi u fe hanga gu twala yi gusenda mbodjiga. U fe longuga mambu ma Yehowa, gumuzola kega gulesa lugwigilu gwena Munendji. Gu dima, u fe hana lujingu lwayi gwena Yehowa. Mbi m’uhanga mambu ma kega m’usenda mbodjiga, wa gwingila mu mbuga yo yiguneyanga mu lujingu lu mvula yi mvula. Ndaga yi Nzambi yiba hosa mbi: “Mbodjiga . . . mu yibanugulusa kega dangu di.”—1 Piere 3:21.
WISHIYA KEGA MAMBU MENGI
Dudadi mumwilegi gwena mfunu ayi mu gudihana gwena Yehowa kega gusenda mbodjiga.
3. Edu’akima du fe sola mbi nani du’asambila
Hadu ega a Izraele di tunda a gayindulanga mbi a le sambila Yehowa kega nzambi u luvunu Baal. Gashi Yehowa ma gadumini profete wendji Eliya mu gu’ambila mu gusoba ngindu jowu jo ji mbi. Dangenu 1 Bantotila 18:21, gu dima hanenu mvudu mu muwu wu:
Gu galombidi mbi ana Izraele a sodi yigi?
Gaga nga ana a Izraele, edu kega du fe sola mbi nani du fe sambila. Dangenu Luka 16:13, gu dima hanenu mamvudu mu miwu mi:
Mumwilegi lō du fe sambila Yehowa kega mudu to gima giega?
Pila yigi du le lesa Yehowa mbi du gasola gumusambila gaga ye?
4. Yindulula zola di gugumonishilanga Yehowa
Yehowa u gaduhwa magabu mengi ma funu. Edu yigi du le gumuhwa mu gumuhongulushila madondu? Dalenu VIDEYO.
Mambu megi Yehowa a gahangidi mu gulesa mbi ma guduzolanga? Dangenu Nkunga 104:14, 15 kega 1 Yoane 4:9, 10, gu dima hanenu mamvudu mu miwu mi:
Makado megi ma Yehowa u guzolanga?
U badifa pila yigi dangu di’uba yindula magabu mo Yehowa a gahanini mumwila yi ayi?
Mbi mudu ma duhwa kado di moshi dio di dusepela diodi, dwena zola gumuhwa madondu mumwila yi kado diendji di aduhwedi. Dangenu Kulonga 16:17, gu dima hanenu mvudu mu muwu wu:
Dangu di uguyindulanga yima yikima yo Yehowa a gahangidi mumwila yi ayi, gwena gugupusa mu gumuhwa yigi?
5. Gudihana gwena Nzambi gwena neya malusagumunu mengi
Hadu engi a guyindulanga mbi a gakala mu gieshi mbi ena hadu a lugumu, ena yi gisalu gi pimbu to mbi ena yi mbongu jingi. Mambu ma mena ma gigidi? Dalenu VIDEYO, gu dima hanenu mamvudu mu miwu mi laba:
Ada pangi yu u dudala mu videyo ma gazolanga gubula balon ngolu, mumwilegi a gegidi gudibula?
A gasendjidi luganu lu gudihana gwena Yehowa gashi lō mu gubula balon. M’ubagumbula mbi a gasendjidi luganu lu pimbu? Mumwilegi?
Gu twala yi guguma Mukristu, tumwa Polu a gahanganga gisalu gi moshi gi lukumu. A galonguganga nshigu ji Ayuda gwena longi u moshi u lukumu. Gashi ma gegidi gulonguga mumwila mu guguma Mukristu. Polu ma gadiyangishidi gu dima mumwila yi luganu lu lu’agasendjidi? Dangenu Bafilipi 3:8, gu dima hanenu mamvudu mu miwu mi:
Mumwilegi Polu a gahoshidi mbi mambu m’agahangidi gu twala yi guguma Mukristu ma gakedi “gida gi mvindu”?
Mapimbu megi a gasendjidi gu dima?
U bayindula mbi yigi yigagusadisa gibeni mu gukala yi lujingu lu pimbu, guhangila Yehowa to guhanga mambu mega mu lujingu?
Dangu di gagumini polu Mukristu, a gasendjidi mapimbu mengi guhida yima yo y’agegidi
HADU EGA ENI GUHOSA MBI: “M’ibagwishiya mbi adi diena dibundu di giediga, gashi lō yena u guyilamana mu gusenda mbodjiga.”
U bayindula mbi gwena mfunu mu guhana lujingu lwayi gwena Yehowa? Mumwilegi?
MU KUFI
Zola di gudupusanga mu gudihana gwena Yehowa kega gusenda mbodjiga.
Mvudugilu
Mumwilegi gufwana mbi du zodi Yehowa kega du musambidi mu mudjima wedu u kima?
Malusagumunu megi Yehowa a gaguhwa mbi m’usenda mbodjiga?
Muwa zola guhana lujingu lwayi gwena Yehowa?
DALA KEGA
Dala mumwilegi mugonusa yo u gabulanga mijigi kega yala yo u gahanganga nsaga ji gubula balon a gahanini lujingu lowu gwena Yehowa.
Dala yiguma yega yo yi fe gugupusa mu gudihana gwena Nzambi.
“Mumwilegi gudihana gwena Yehowa?” (Nzozulu ya Nkengi 15/01/2010)
Mu mugunga u videyo u ulaba, dala gieshi gio hadu agadihana gwena Yehowa ena kala joji.
Mu disolu “Mamvula mengi yiga dihulanga mbi, ‘Mumwilegi du gujinganga?’” dala mambu ma gapushidi mugonusa mu moshi mu gusa mambu ma guhida nfunu mu gihani gi tegu.
“Bible mu digusobanga lujingu lu hadu” (Nzozulu ya Nkengi 1/11/2012)