DILONGI 45
Gugandamana gaga gwena Nzambi gu nadendula yigi?
Yezu a gahoshidi mbi, alongogi endji “lō ena hadu a gifudji gi.” (Yoane 15:19) Gu nadendula mbi—lō a fe gwingila mu yimvuga yi politiki to mu yidumba. Mu masonga makima, gugulombanga yigesa yi ngolu mu gugandamana gaga gwena Nzambi. Hadu a le gudwambila mambu ma mbi to a le guduseya mumwila du na gandamana gaga gwena Nzambi. Pila yiki du le gandamana gaga gwena Nzambi kega gulaba gukala agwigama gwena ye?
1. Pila yiki Akristu a giediga a gudadilanga yifumu yihadu?
Akristu a giediga ma gujidjisanga afumu a leta. Du guhanganga mambu gaga pila Yezu a gahoshidi kega du “guhananga yima yi Kayisala gwena kayisala”—gu nadendula, mu du gulemfuganga mu mashigu m’agasa mu ma peyi ma du gujinganga mumbandu, gufuda yidadi. (Marko 12:17) Bible diguhosanga mbi hadu a guyalanga mumwila Yehowa ug’ahwa mbuga yiguyala. (Baroma 13:1) Mu du gwishiyanga mbi yifumu yi hadu, lō yigujinganga kimakulu kega giyega giowu gigukalanga yi suga. Du gusanga mudjima gwena Nzambi yi Gifumu giedji gi wulu, mumwila gio gigamanisa mapashi makima ma hadu.
2. Pila yiki du le lesa mbi du gugandamananga gaga mu gifumu gi Nzambi?
Nga Yezu, Ambangi a Yehowa lō a gwingilanga mu yimvuga yi politiki. Gilumbu gi moshi, dangu hadu a gadadidi gima gi guyiduga gimoshi gio gi gahangidi Yezu ma gazodidi gumusa Fumu wawu. Gashi ye ma gadunini. (Yoane 6:15) Mumwilegi a gadunini? Mumwila madangu mengi gudima ma gahoshidi mbi: “Gifumu giami lō giena gi manu ma.” (Yoane 18:36) Mumwila dwena alongogi a Yezu, du gulesanga mbi du gugandamana mu gifumu gi Nzambi mu mapila mengi. Mumbandu, lō du gunwananga yidumba. (Danga Mika 4:3.) Mu du gujidjisanga yidimbu yi peyi—mumbandu drapo—gashi lō du guyisambilanga. (1 Yoane 5:21) Lō dugwingidilanga ada gimvuga gimoshi gi politiki to gusola mudu mumoshi u politiki yo u nazola mbi amusodi mu guguma fumu. Kega lō du gunwanisanga ada gimvuga gimoshi to mudu mumoshi u politiki. Dangu di du guhanganga mambu ma, kega mambu mengi meka, du gulesanga mbi du gugandamananga gaga gu Gifumu gi Nzambi.
WISHIYA KEGA MAMBU MENGI
Dala mambu ma le hanga mbi gugumi pashi mu gulaba gugandamana gaga mu Gifumu gi Nzambi, kega pila yi u le senda ma luganu ma pimbu mo ma gusepedisanga Yehowa.
3. Akristu a giediga a gugandamananga gaga mu Gifumu gi Nzambi
Yezu yi alongogi endji ma gadushishididi mbandu yipimbu. Dangenu Baroma 13:1, 5-7 yi 1 Piere 2:13, 14. Gudima, dalenu VIDEYO kega hanenu mamvudu mu miwu mi:
Mumwilegi du fwe jidjisa afumu a leta kega gu’alemfugila?
Ndambu yimambu meki du le hanga mu gulesa mbi, mu du gu’alemfugilanga?
Mu dangu di yidumba, mapeyi meka ma le hosa mbi lō agwingilanga mu yidumba, gashi ada giogi ma guhwanga miogu mu mapeyi to yimvuga yo yadi, yo yinanwana. Guduna gwingila mu yidumba gu nadendula yigi? Dangenu Yoane 17:16. Kega, dalenu VIDEYO gudima hanenu mamvudu mu miwu mi:
Guduna gwingila mu mambu ma politiki gu nadendula yigi?
Yigi du le hanga mbi afumu a leta a dulesa mu guhanga gima gio gi na konda wagana yi mashigu ma Nzambi? Dangenu Bisalu 5:28, 29. Kega, dalenu VIDEYO gudima hanenu mamvudu mu miwu mi:
Mbi afumu a leta a dulesa mu guhanga gima gio gi na konda wagana yi mashigu ma Nzambi, nani du fwe lemfugila?
Danga ndambu yi mambu mo Akristu a fwe konda hanga, mbi afumu a leta m’alomba mu guhanga?
4. Lō gwingila mu politiki mu mambu ma u nayindula kega ma u nahanga
Dangenu 1 Yoane 5:21. Kega, dalenu VIDEYO gudima hanenu mamvudu mu miwu mi:
Mu videyo di, mumwilegi Ayenge a gasendjidi luganu lugukonda gwingila mu gimvuga gi politiki, to guhanga mambu maguhanganga hadu mumwila yi lugumu lu peyi, mumbandu guhana lusagu gu drapo?
M’u nagumbula mbi ma gasendjidi luganu lu pimbu?
Mambu meki mega ma le hanga mbi gugumi pashi, mu gulaba gugandamana gaga mu Gifumu gi Nzambi? Dalenu VIDEYO, gudima hanenu mamvudu mu miwu mi:
Pila yiki du le lesa mbi lō du gwingilanga mu mambu ma manu ma dangu di du nadala masaga mo ma guvugisanga ma peyi meka?
Yigi du fe hanga mu gukonda gwingila mu mambu ma politiki, ada afumu a politiki masenda luganu lwa duneyila mapimbu to mapashi?
Mumwilegi lō du fe gwega mbi masangu ma du nalaba mu radio, mu televizio to hadu a dugujinganga yowu a dupushi mu gudingisa mu mambu ma manu ma?
Mu mambu meki Akristu a le lesa mbi ma nalaba gugandamana gaga mu gifumu gi Nzambi gukadi mu mambu m’anayindula kega m’anahanga?
MUDU MWEGA U LE GUGULA MBI: “Mumwilegi nu gukondanga guhana lusagu gu drapo kega lō nuguyimbanga mugunga u gugumisanga peyi?”
Mvudu yigi wa muhwa?
MU KUFI
Akristu a guhanganga ngolu mu gukonda gwingila mu mambu ma politiki mu mambu m’aguyindulanga, m’aguhosanga kega m’aguhanganga.
Mvudugilu
Yigi du le hanga mumwila yi afumu a leta?
Mumwilegi du gukondanga gwingila mu mambu ma politiki?
Mambu meki ma le hanga mbi gugumi pashi mu gulaba gugandamana gaga mu Gifumu gi Nzambi?
DALA KEGA
Mambu meki ma pashi gu le lomba mbi du gumbudi mumwila du kondji gwingila mu mambu ma politiki?
Dala pila mabuda ma le yilamana gutwala mumwila, a labi gugandamana gaga mu Gifumu gi Nzambi ada mu dangu di pashi.
Dala mumwilegi gugumisa peyi lō gwena lugumu lu neni mumwila yi mudu yo u ba gumisa peyi.
Dala pila u le lesa mbi lō wena mudu u manu ma dangu di gunalomba mbi u sodi gisalu gi u fe hanga.
“Kosu mudu a fwe senda gilemu giendji beni” (Nzozulu ya Nkengi 15/3/2006)