LECCIÓN 05
Nu̱u̱ Biblia ñúʼun tuʼun ja kúni Yandios kaʼan-Ya nu̱u̱-yo
Jeová ni taji-Ya ɨn ja vaʼa tuni: ja kuu 66 tutu ja vaji nu̱u̱ Biblia. Sanaa jikatuʼun-ní maa-ní: “¿Ndenu ni kee Biblia? ¿Nde kuu ja ni jani ini ja koo Biblia?”. Tágua xndikó tuʼun jikatuʼun yaʼa, kundeʼe-yo na̱sa ni kenda tuʼun Yandios nu̱u̱-yo kɨvɨ mita.
1. Nú nda teé ni ka te̱e̱ Biblia, ¿na̱sa kuu ja kuu Tuʼun Yandios?
Biblia ni ka te̱e̱ ta 40 teé—ja siin siin tiñu ni ka saʼa-de ji siin siin ni ka ndee-de—. Ni kejaʼa ni ka te̱e̱ kuiya 1513 ta nchaʼa kiji Cristo de ni xndɨʼɨ nu̱u̱ kuiya 98. Ñukua kuu ja, ni jiniñuʼun 1.600 kuiya tágua jinú. Vese sukua kuu, nu̱u̱ Biblia ma ndaniʼi-yo tuʼun ja nduu yitaʼan. ¿Na̱sa kenda kuu ja yaʼa? Chi Yandios kuu ja ni jani ini ja koo Biblia (kaʼvi-ní 1 Tesalonicenses 2:13). Nda̱ká teé yaʼa nduu ni ka te̱e̱-de ja ni ka jani xini maa-de. Chi sa, “ni̱ nacani de̱ tu̱ʼun Ya̱a̱ Dios ja̱ ní stéʼe̱n Espíritu Santo nu̱u̱ de̱” (2 Pedro 1:21).a Jín espíritu santo-Ya, Yandios ni saʼa-Ya ja nda teé ni ka te̱e̱-de ja jani xini maa-Ya (2 Timoteo 3:16).
2. ¿Nde ɨn kuu ja kuu kunevaʼa Biblia?
Nda ñayí “níí cáʼnú ñayi̱ví, nu̱u̱ nchivi̱ nda̱cá nación, nda̱cá tata̱, nda̱cá yuʼú, nda̱cá ñuu̱” kuu chindeé nu̱u̱-ji nda tuʼun vaʼa ja taji Biblia (kaʼvi-ní Apocalipsis 14:6). Yandios ni saʼa-Ya ja koo nu̱u̱ kuaʼa tuni nda yuʼu. De jíni̱-yo, ja iyo nu̱u̱ kuaʼa tuni yuʼu kɨvɨ mita. Ñati ndɨʼɨ ñuuyɨvɨ́ kuu kuni-ji ja kachi Biblia, de nduu naguá saʼa ndenu ka iyo-ji axi na yuʼu ka kaʼan-ji.
3. ¿Na̱sa ni chisa̱ʼvi Jeová Biblia?
Biblia ni te̱e̱ nu̱u̱ nda ndatiñu ja tivi̱ yachi̱. Ni jatiñu nda rollo ja ni kuvaʼa jín ñii nda kɨtɨ axi yutnu ja nani papiro. De nda teé ja ni kutoo Biblia ni ka saʼa-de kuaʼa tuni copia ji suni ni kandeʼe-de ja koo vaʼa. Vese kuaʼa tuni ñayí ni ka kúni-ji ja xnaa-ji Biblia, ni iyo ñayí ja ni kúni chisa̱ʼvi-ji vese kuu skinaa-ji ja teku-ji. Jeová nduu jeʼe-Ya tuʼun ja ni ɨn tiñu ni ɨn ñayí saʼa ja ma kuni-yo tuʼun-Ya. Nu̱u̱ Biblia kachi: “Tuʼun Yandios-yo kindoo nɨkani” (Isaías 40:8, TNM).
NÁ KUTUʼVA KA-YO SƗKƗ TUʼUN YAʼA
Kundeʼe-yo kuaʼa tuʼun na̱sa ni saʼa Yandios jín sava nda teé tágua kuu ka te̱e̱-de Biblia. Suni kundeʼe-yo naguá kuu ja ni saʼa-Ya tágua kuu chisa̱ʼvi-Ya de sukua nda̱ká nayí kuu kunevaʼa-ji.
4. Biblia kachi nu̱u̱-yo nde kuu ja ni jani ini ja koo
Ka kundeʼe-ní VIDEO. Ñukua de ka kaʼvi-ní 2 Timoteo 3:16 de ka ndatuʼun-ní sɨkɨ nda tuʼun yaʼa:
Nú nda teé ni ka te̱e̱ Biblia, ¿na̱sa kuu ja kuu Tuʼun Yandios?
¿A kuu kandija-yo ja Yandios ni chuʼun-Ya ja jani xini-Ya nu̱u̱ nda teé ja ni ka te̱e̱?
Ɨn teé satiñu te̱e̱-ji ɨn carta, vese tuʼun yaʼa kuu tuʼun teé tatuni, de kaʼan-de naguá te̱e̱-ji. Sukua kuu jín Biblia: ni ka te̱e̱ nda ñayí, vese Tuʼun Yandios kuu ja yoso.
5. Biblia ni ka̱ku vese ni ka kúni-ji xnaa-ji
Nú Biblia vaji nu̱u̱ Yandios, de nda̱a̱ kuu ja maa-Ya chisa̱ʼvi-Ya. Ichi yáta̱ kuaʼa tuni nda teé tatuni ni ka kúni-de xnaa-de Biblia. Suni nda líder veñuʼun túʼu̱n nduu ni ka kúni-de ja nda ñayí kaʼvi-ji. De, vese ni ka iyo nda enemigo-de ja ni ka kúni ja kúu̱ nda-de, kuaʼa tuni ñayí ni ka kúni chisa̱ʼvi vese skinaa-ji ja teku-ji. Tágua kuni-ní ɨn nda teé yaʼa, ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
Mita ja ni jini-ní ja ni ndoʼo kuaʼa tuni ja ni chisa̱ʼvi Biblia, ¿a saʼa yaʼa ja na koo sii ini-ní kaʼvi-ní? ¿Nakú?
Ka kaʼvi-ní Salmo 119:97, TNM de ka ndatuʼun-ní sɨkɨ nda tuʼun yaʼa:
¿Naguá saʼa ja kuaʼa tuni ñayí ndasiáʼa-ji nu̱u̱ inka yuʼu ji skuite nu̱u̱-ji Biblia vese kuu kúu̱-ji?
6. Ɨn tutu ja kuu kunevaʼa ndɨʼɨ ñayí
Biblia kuu tutu ja iyo nu̱u̱ kuaʼa tuni yuʼu ji ja jite nu̱u̱ nu̱u̱ níí ñuuyɨvɨ́. Ka kaʼvi-ní Hechos 10:34, 35 de ka ndatuʼun-ní sɨkɨ nda tuʼun yaʼa:
¿Nakú kúni Yandios ja Tuʼun-Ya ndasiáʼa nu̱u̱ kuaʼa tuni yuʼu ji kuite nu̱u̱ nu̱u̱ ndɨʼɨ ñuu?
¿Naguá taʼa̱n ka ini-ní sɨkɨ Biblia?
Ñati
100%
ñayí nu̱u̱ níí ñuuyɨvɨ́
kuu kaʼvi-ji Biblia nu̱u̱ ɨn yuʼu ja jakuʼun ini-ji
Iyo nu̱u̱ viʼi ka
3.000
yuʼu,
iyo níí-ji axi sava-ji
Ñati 5.000 millón
Nda biblia ja ni kuvaʼa.
Kuu tutu, ja ni kuvaʼa kuaʼa tuni ka nu̱u̱ níí ñuuyɨvɨ́
JA KACHI SAVA NDA ÑAYÍ: “Biblia kuu ɨn tutu janaʼán ja ni ka te̱e̱ nda teé”.
¿Naguá jani ini maa-ní?
¿Na tuʼun kuu ja steʼen ja Biblia kuu Tuʼun Yandios?
JA NI KUTUʼVA-YO
Biblia kuu Tuʼun Yandios, de maa-Ya saʼa-Ya ja ndɨʼɨ ñayí kuu kunevaʼa-ji.
Tuʼun núku̱ʼun ini
¿Naguá kúni kaʼan ja Yandios ni chuʼun-Ya ja jani xini-Ya xini ñayí tágua ka te̱e̱-de Biblia?
¿Naguá taʼa̱n ka ini maa-ní sɨkɨ na̱sa ni ka̱ku Biblia nu̱u̱ kuaʼa tuni ja ni kúni xnaa-ji? ¿De na tuʼun kuu kachi-ní sɨkɨ ja ka ndasiáʼa nu̱u̱ kuaʼa yuʼu ji ja skuite nu̱u̱?
¿Na̱sa kuu ini-ní ta jíni̱ ndɨʼɨ-ní ja ni saʼa Yandios tágua kuni-ní ja kachi-Ya?
NU̱U̱ NDANIʼI KA-NÍ TUʼUN
Kutuʼva ka-ní tuʼun ja nakani sɨkɨ Biblia: nde kɨvɨ ja ni kejaʼa ni te̱e̱ ji nde kɨvɨ mita.
“Na̱sa ni kenda Biblia nu̱u̱-yo” (¡Despertad!, noviembre, 2007)
Kaʼvi-ní na̱sa ni ka̱ku Biblia nu̱u̱ uni enemigo kaʼnu tuni.
“Biblia. Ɨn tuʼun ja nakani na̱sa ni ka̱ku-ji” (La Atalaya, núm. 4 2016)
Kundeʼe-ní naani tundoʼo ni ka yaʼa sava nda ñayí ja ni kúni ndasiáʼa Biblia nu̱u̱ inka yuʼu.
Iyo kuaʼa tuni copia Biblia ji suni ni ndasiáʼa nu̱u̱ kuaʼa yuʼu. ¿Na̱sa kuu kuʼun ka̱jí ini maa-ní ja tuʼun Yandios nduu sa̱ma?
“¿A ni sa̱ma tuʼun Biblia axi ni xnaa sava nda tuʼun?” (Artículo nu̱u̱ jw.org)
a Espíritu santo kuu ja ndakui Yandios, ja kúni kaʼan, ja ndakui-Ya ja satiñu tanu kachi nu̱u̱ lección 07.