Montré enn l’interet sincere—Kan ou ena consideration pou lezot
1 Mem si Jéhovah Souverain l’univers, Li bon, Li ena consideration pou bann dimoune imparfait ek Li traite zot avek respé. (Gen. 13:14; 19:18-21, 29) Nou kapav ameliore fason ki nou presente la bonne nouvelle kan nou imite nou Bondié ki ena consideration pou lezot. (Col. 4:6) Sa vedir plus ki zis montré bon maniere ek respé dan nou fason kozé.
2 Kan nou preché porte-en-porte: Ki nou pou faire si arrivé nou tape la porte enn dimoune dan enn mauvais l’heure ou-soit dan enn l’heure kot li pa pou gagne l’occasion pou ecoute nou? Li bon ki nou prend compte so situation ek ki nou faire enn presentation courte ou-soit nou propose pou repassé enn lot l’heure. Si enn dimoune refuse prend enn publication, nou pou montré ki nou ena consideration pou li kan nou pa insisté ki li prend li. Si nou ena consideration pou lezot, sa pou aussi pousse nou pou respecté zot di-bien. Par exemple, nou pou ferme la porte l’entourage derriere nou, ek nou pou montré nou bann zenfant aussi pou faire pareil. Kan nou quitte enn tract pou enn dimoune ki pa là, nou bizin quitte sa dan enn place kot bann dimoune ki passé lor chemin pa trouvé. Kan nou ena consideration, sa pou pousse nou pou traite lezot pareil couma nou, nou ti pou content ki lezot traite nou.—Luc 6:31.
3 Kan nou preché lor la rue: Kan nou preché lor la rue, nou kapav montré ki nou ena bon maniere kan nou pa bloque trottoir ek kan nou evite faire bann ti-group devant bann magasin ou-soit laboutik. Nou pou prend compte situation bann dimoune ek nou pou koz avek bann ki parette ena enn tipé lé-temps, au lieu ki nou arrete bann dimoune ki parette bien pressé. Dé-fois, li possible ki nou bizin koz enn tipé pli fort a cause bann tapaz ki ena lor la rue. Mais, nou bizin faire li avek dignité ek fodé pa ki sa attire l’attention lor nou-mem.—Mat. 12:19.
4 Kan nou rann temoignage par telephone: Si nou ena consideration pou lezot, nou pou choisir enn place kot pena trop tapaz kan nou preché par telephone. Nou montré ki nou ena bon maniere kan nou pa tard-tardé pou dire kisannla nou été ek kifer nou’nn telephoné. Kan nou pé koz avek enn dimoune, li bon ki nou mette telephone-la pré kot nou la-bouche ek ki nou garde enn ton amical ek gentil. Coumsa, li pou pli facile pou gagne enn conversation biblik encourageant. (1 Cor. 14:8, 9) Kan nou agir avek bonté, ek nou montré ki nou ena consideration pou lezot ek nou ena bon maniere, nou pé imite Jéhovah, nou Bondié ki ena consideration pou lezot.