Couma pou servi livre “L’amour Bondié” pou faire bann l’etude biblik
1. Ki l’objectif livre “L’amour Bondié”?
1 Nou ti extra content kan nou ti gagne livre “Reste dan l’amour Bondié” pendant l’assemblée district “Guidé par l’esprit Bondié”! Pareil couma ti annoncé, sa livre-la inn faire pou aide nou konn ek content bann principe Jéhovah en rapport avek nou conduite. Sa livre la pa’nn faire pou nou enseigne bann doctrine de base ki ena dan la Bible. Nou pa pou offert sa livre-la dan predication.
2. Couma pou servi sa livre-la, ek avek kisannla?
2 Nou pou servi sa livre-la avek bann etudiant ki’nn fini zot livre Ki la Bible enseigné? Pa blié ki tou dimoune pa progressé mem vitesse lor plan spirituel. Chaque l’etude bizin faire dan enn fason ki adapté avek capacité etudiant-la. Ou bizin assure ou ki ou etudiant finn bien comprend seki li finn etudié. En general, fodé pa servi sa livre-la pou faire l’etude avek bann dimoune ki’nn deja etudié plusieurs livre dan le passé, mais ki pa pé vinn reunion ek ki montré ki zot pa interessé pou vive dapré bann verité ki ena dan la Bible ki finn enseigne zot.
3. Ki nou bizin faire si nou pé conduire enn l’etude dan livre Ador Bondye?
3 Si ou pé conduire enn l’etude dan livre Ador Bondye ek ki ou reste deux trois chapitre pou fini livre-la, kitfois ou kapav decidé pou termine livre-la ek encourage etudiant-la pou lire livre “L’amour Bondié” par li-mem. Sinon, li pou pli bon ki ou reprend l’etude dan sa nouveau livre-la ek ou commence par premier chapitre. Pareil couma livre Ki la Bible enseigné?, ou pa obligé discute bann sujet ki ena dan l’appendice.
4. Ki nou bizin faire si nou etudiant prend bapteme avant ki l’etude fini dan livre Ki la Bible enseigné? ou-soit livre “L’amour Bondié”?
4 Si enn etudiant prend bapteme avant ki li termine livre Ki la Bible enseigné? ou-soit livre “L’amour Bondié,” bizin contigne so l’etude ziska ki termine livre “L’amour Bondié.” Mem si etudiant-la inn baptisé, ou kapav compte l’heure, visite ek l’etude lor ou rapport. Si enn proclamateur accompagne ou ek ki li participe dan l’etude, li aussi li kapav compte so l’heure.
5. Couma nou kapav servi livre “L’amour Bondié” pou aide enn proclamateur ki’nn arrete preché depuis inpé le temps?
5 Si enn membre comité service la congregation demann ou pou faire l’etude enn inactif, kitfois li pou demann ou pou examine certain chapitre precis dan livre “L’amour Bondié.” Pa necessaire faire sa qualité l’etude-la pendant enn longue periode le temps. Sa livre-la c’est vrai-mem enn bon disposition, parski li’nn faire pou aide nou “reste dan l’amour Bondié”!—Jude 21.