Question Ki’nn Soulevé

◼ Ki deux livre ki nou bizin etudié avek bann dimoune ki interessé?

Livre Ki la Bible enseigné? c’est livre principal ki nou servi pou commence ek dirige bann l’etude la Bible. Pena nanyin ki empeche nou servi enn lot publication, couma par exemple enn tract approprié, pou commence enn l’etude la Bible. Selman pli vite possible, nou bizin faire zeffort pou faire l’etude dan livre Ki la Bible enseigné? Finn gagne bann extra bon resultat kan finn commence bann l’etude avek livre Ki la Bible enseigné?

Enn fois ki ou’nn termine livre Ki la Bible enseigné? ek ki etudiant-la pé faire progré, ou bizin etudié livre Ador Bondye. (Col. 2:7) Page 2 dan sa livre-la explik so l’objectif: “La Bible encourage tou bann ki content Bondié pou ‘bien saisi dan zot l’esprit . . . hauteur ek profondeur’ so la-verité ki ena enn grand valeur. (Éphésiens 3:18) Justement, sa livre-la finn preparé dan sa l’intention-la. Nou esperé ki li pou aide ou pou grandi lor plan spirituel, ek li pou bien equipe ou pou marche lor chemin serré ki amenn vers la vie dan nouveau lé-monde la justice Bondié.”

Si etudiant-la rempli bann condition pou prend bapteme avant ki li fini toulé-deux livre, l’etude-la bizin contigné ziska ki fini deuxieme livre-la. Mem si etudiant-la inn baptisé, sa dimoune ki faire so l’etude-la kapav compte l’heure, visite, ek l’etude li faire avek li. Enn proclamateur ki accompagne sa dimoune ki pé conduire sa l’etude-la, ek ki participe dan l’etude-la, kapav aussi compte so l’heure.