Eski ou pou commence enn l’etude la Bible pendant mois octobre?

1. Ki publication nou pou offert pendant mois octobre?

¹ Pendant mois octobre nou pou offert La Tour de Garde ek Réveillez-vous ! Pou suive l’interet, nou encouragé pou presente tract Eski ou ti pou content konn la verité? ek pou faire zeffort pou commence enn l’etude la Bible. Couma nou kapav faire sa kan nou faire enn nouvelle visite?

2. Couma nou kapav servi tract Konn la verité pou commence enn l’etude la Bible kan pé visite enn dimoune ki’nn accepté bann periodik?

² Couma pou servi sa tract-la: Nou kapav dire: “Bann magazine ki mo ti quitte avek ou encourage bann dimoune different culture ek religion pou examine la Bible. [Donne dimoune-la tract Konn la verité, ek montré-li bann question ki ena lor premier page.] Sa c’est bann question interessant, ek la Bible donne bann bon reponse pou sa bann question-la. Eski ou’nn deja pose ou-mem enn parmi sa bann question-la?” Apré ki dimoune-la reponn, guette ensam reponse ki ena dan tract lor question ki dimoune-la inn choisir, ek lire enn parmi bann verset la Bible ki’nn cité. Apré expliké ki sa c’est zis enn l’idée lor seki la Bible enseigné, ek donne li enn livre Ki la Bible enseigné? Lerla nou kapav discute bann premier paragraphe dan chapitre ki dimoune-la inn choisir lor page kot ena la liste bann chapitre. Ou-soit nou kapav choisir pou ouvert livre-la kot ena plus l’information lor sujet ki nou’nn kozé dan tract. Ala deux-trois reference ki nou kapav servi:

● Eski Bondié vrai-mem interessé ar nou? (p. 9-11 § 6-10)

● Eski la guerre ek souffrance pou arreté enn jour? (p. 12 § 12-13)

● Ki arrive nou kan nou mort? (p. 59-60 § 7-8)

● Eski ena kit l’espoir pou bann dimoune mort? (p. 71 § 13-15)

● Couma mo kapav prié pou ki Bondié ecoute moi? (p. 166-167 § 5-8)

● Couma mo kapav trouve vrai bonheur? (p. 9 § 4-5)

3. Couma nou kapav varié fason ki nou aborde bann dimoune dapré bann circonstance?

³ Bien sur, si bann circonstance pa permette ki nou commence ek montré couma faire enn l’etude la Bible dan livre Ki la Bible enseigné? lor premier visite, nou kapav toujours faire bann l’arrangement pou retourné ek contigne nou discussion. Ek par rapport ar l’interet ki dimoune-la manifesté, nou kapav mem choisir pou contigne discute lor plus ki enn question dan tract-la pendant plusieurs visite avant ki nou presente livre-la. Alors, anou bien servi sa tract ki bien utile-la pendant mois octobre pou commence enn l’etude la Bible ek aide bann dimoune sincere pou “konn la verité.”—Jean 8:31, 32.