“Mo Pou Pran Ou Liv si Ou Pran Seki pou Mwa”

Se seki sertin dimounn dir nou dan predikasion. Parski nou pa pou esanz nou bann piblikasion ki ed bann dimounn konpran Labib kont bann liv relizie ki fann bann fos krwayans, kouma nou kapav reponn avek takt sa bann dimounn-la? (Rom. 1:25) Nou kapav dir: “Mersi pou ou lof. Me, ki solision ou liv done konsernan bann problem ki bann dimounn gagne? [Les dimounn-la reponn. Si li invit ou pou lir so piblikasion pou gagn repons, ou kapav dir dimounn-la ki ou pa’nn ofer li bann piblikasion san ki ou’nn dir li seki ena ladan. Apre sa, lir ouswa sit Matthieu 6:9, 10.] Jésus ti montre ki se gras-a Rwayom Bondie ki volonte Bondie pou fer lor later. Akoz sa ki mo lir zis bann piblikasion relizie ki met laksan lor Rwayom Bondie. Eski mo kapav montre ou dan Labib sertin kitsoz ki Rwayom Bondie pou fer?”