Amelior Nou Bann Kapasite dan Nou Minister—Aprann Nou Bann Etidian pou Prepar Zot

KIFER LI INPORTAN: Kan bann etidian Labib prepar zot, li pou pli fasil pou zot pou konpran ek rapel seki nou’nn ansegn zot. Pli zot konpran ek rapel seki zot inn aprann, pli vit zot pou progrese. Mem apre batem, bann etidian-la pou bizin prepar zot pou renion ek pou predikasion, pou ki zot kapav “kontign veye.” (Mt 25:13, NW.) Kan zot kone kouma pou etidie ek ena enn bon labitid pou etidie, zotmem zot pou tir profit toutlong zot lavi. Depi koumansman mem, nou bizin ed nou bann etidian pou gagn bann bon labitid pou prepar zot letid Labib.

KOUMA TO KAPAV FER SA:

• 

  Montre lexanp. (Rom 2:21) Mazinn to etidian kan to pe prepare pou fer so letid. (km-CE 11/15 3) Les li trouve kouma to piblikasion inn prepare

• 

  Ankouraz li pou prepar so letid. Enn fwa ki letid inn etabli, fer li konpran ki prepar so letid form parti bann dispozision pou etidie Labib, ek explik li ki bienfe li pou gagne. Donn li bann sigzesion pratik kouma li kapav trouv letan pou prepar so letid. Sertin proklamater les etidian-la servi zot piblikasion ki’nn prepare pandan enn letid, pou ed li trouve ki profi li gagne kan li prepare. Felisit li kan li prepar so letid

• Montre li kouma pou prepare. Pandan enn bann premie letid, sertin proklamater montre zot etidian kouma pou prepar zot letid