Eski Lager Armagedon Pou Koumanse dan Izrael?​—Ki Labib Dir lor La?

Labib dir ki lager Armagedon, li pa pou zis dan enn sel landrwa, me li pou partou lor later. Se enn lager ant tou bann gouvernman imin ek Bondie.

• “Sa bann parol-la inspire par bann demon. . . . [Zot] al ver bann lerwa lor later antie, pou rasanble zot ansam pou lager gran zour Bondie Tou-Pwisan. . . . Zot ti rasanble zot ansam dan enn plas ki an Ebre apel Armagedon.”​—Revelasion 16:14, 16.

Mo “Armagedon” sorti dan mo Ebre Har Meghid·dohnʹ, ki vedir “Montagn Megido.” Megido ti enn lavil dan ansien Izrael. Se akoz sa ki sertin panse ki lager Armagedon pou dan Izrael. Selman, ni lavil Megido, ni okenn pei ki otour Izrael, pa ase gran pou ki “bann lerwa lor later antie” ek tou zot bann larme rasanble laba.

Liv Revelasion se enn liv sinbolik. (Revelasion 1:1) Ek kan li koz lor Armagedon, li pa pe koz lor enn plas, me lor enn levennman ki pou arive dan lemond antie, kan bann gouvernman pou rasanble ansam pou lager kont gouvernman Bondie.​—Revelasion 19:11-16, 19-21.