REPONSE POU BANN QUESTION BIBLIK
Eski nou kapav comprend la Bible?
La Bible c’est Parole Bondié. Li couma enn lettre ki enn bon papa inn envoye so bann zenfant. (2 Timothée 3:16) Dan la Bible, Bondié explik nou couma nou kapav faire Li plaisir, kifer Li permette le mal, ek ki Li pou faire pou bann dimoune dan lavenir. Mais bann ki enseigne la religion inn deforme bann l’enseignement la Bible; ek a cause sa, beaucoup dimoune pensé ki jamais zot pou kapav comprend la Bible.—Actes 20:29, 30.
Bondié ki appel Jéhovah, envie ki nou konn la verité lor Li. A cause sa ki Li’nn donne nou enn livre ki nou kapav comprend.—Lire 1 Timothée 2:3, 4.
Couma ou kapav comprend la Bible?
En plis ki Li’nn donne nou la Bible, Jéhovah aide nou pou comprend seki ena ladan. Li ti envoye Jésus pou enseigne nou. (Luc 4:16-21) Jésus ti aide bann ki ti ecoute li pou comprend bann l’Ecriture kan li ti faire reference ar bann verset enn apré lot.—Lire Luc 24:27, 32, 45.
Jésus ti etabli congregation Chretien pou contigne travail ki li ti commencé. (Matthieu 28:19, 20) Azordi, bann vrai disciple Jésus pé aide bann dimoune pou comprend seki la Bible enseigné lor Bondié. Si ou envie comprend la Bible, bann Témoins de Jéhovah pou content pou aide ou faire sa.—Lire Actes 8:30, 31.