Kestyon Ki Suleve

◼ Kan eski li bon form enn lot grup Letid Liv Kongregasyon?

Li kapav neseser form enn nuvo grup pu ki dan bann lezot letid liv, ek mem seki fer dan Lasal Rwayom, lasistans res anviron 15 dimunn. Kifer eski sa li enn bon laranzman?

Kan bann grup Letid Liv Kongregasyon tipti, kondikter la pli kapav donn sak asistan enn latansyon personel. Anplis, zot tu gayn plis lokazyon pu partisipe, seki pus zot pu fer deklarasyon piblik zot lafwa. (Ebre 10:23; 13:15) Kan enn kongregasyon ena plizir ti grup dan teritwar, sa favoriz lasistans pu Letid Liv Kongregasyon ek bann reynion pu predikasyon. Pa fini, bann kongregasyon ki ena plizir grup finn truve ki kan zot azut tu sa bann lasistans la ansam, lasistans pu letid liv ogmante.

Ena bann lezot sirkonstans spesyal kot li preferab form enn lot grup, mem si li tipti. Sa kapav arive akoz enn landrwa izole, uswa sertin letid liv ena tro buku asistan ek pena ase plas pu asize. Si neseser, kapav form usi enn grup ki reyni dan lazurne pu bann ki pli aze, bann ki travay aswar, uswa bann ser ki zot mari pa Temwin.

Dan sak letid liv, bizin ena plizir proklamater aktif ek ki for lor plan spirityel, ek usi enn kondikter ek enn lekter kalifye. Bann frer bizin fer zefor pu ki kapav servi zot dan kongregasyon pu sa bann privilez la.

Bann ansyin kapav favoriz progre kongregasyon si zot veye ki sak grup letid liv ena enn grander rezonab, ek ki sak manb gayn enn latansyon spirityel ki bizin ek ki zot reyni dan bann plas ki korek. Kan li neseser, bizin form bann nuvo grup pu ki tu dimunn kapav profit byin sa laranzman spesyal la. Eski u kapav ofer u lakaz pu fer letid liv? Buku finn fer sa ek zot finn gayn enn kantite benediksyon.