Lekol Minister Teokratik pu Lane 2002
1 Laplipar dimunn konsider kapasite koze kuma enn kitsoz normal, ki pena linportans. Purtan, kapasite pu koze li enn don ki Zeova finn donn nu. Li permet nu koz avek lezot ek exprim nu bann panse ek nu bann santiman. Me seki pli inportan ankor, avek sa nu kapav donn loner nu Bondye.—Psom 22:22; 1 Kor. 1:4-7.
2 Bann zom, bann fam, ek bann zanfan gayn enn formasyon dan Lekol Minister Teokratik pu fer konn non Zeova. (Psom 148:12, 13) Dan program lekol pu lane 2002 ena enn kantite size baze lor Labib ki pu profitab pu nu ek ki nu kapav servi dan nu minister. Kan nu prepar nu ek nu partisip dan sa lekol la, nu kapav ogmant nu konesans ek nu bann kapasite pu anseyn Parol Bondye.—Psom 45:1.
3 Lir Labib Tulezur: Si tuletan nu ena enn Labib pre ar nu, nu kapav profit tu bann moman lib pu lir. Laplipar parmi nu ena bann ti letan lib pandan lazurne ki nu kapav servi pu lir Labib. Wi, nu pu tir profi si nu lir omwin enn paz sak zur, seki ase pu res azur avek lektir Labib ki ena dan program lekol!—Psom 1:1-3.
4 Kapasite pu byin lir Labib kapav ed nu pu tus leker bann ki ekut nu ek pu pus zot pu donn Zeova loner. Bann frer ki gayn Devwar No. 2 bizin pratike, pratike, pratik lektir ki zot ena for-for. Sirveyan lekol pu felisit zot ek pu donn zot bann sigzesyon pu amelyor zot lektir.
5 Servi Liv Comment rai-sonner: Devwar No. 3 ek No. 4 baze lor liv Comment raisonner. Laplipar parmi nu kapav fer plis zefor pu servi sa led pratik la dan nu minister. Bann ser bizin swazir bann kad ki adapte dan teritwar. Sirveyan lekol pu vey sirtu manyer bann zelev anseyne ek manyer ki zot servi bann verse Labib.
6 Nu swete ki Lekol Minister Teokratik ed nu tu pu kontiyn servi sa don ki Bondye finn fer nu la, setadir nu kapasite pu koze, pu anons labonn nuvel ek donn loner nu Bondye, Zeova!—Psom 34:1; Efe. 6:19.