Minister Kretyin—Nu Laktivite Prinsipal
1 Nu tu nu ena diferan kalite travay ki nu bizin fer. Bondye atann ki enn sef fami donn so fami seki li bizin. (1 Tim. 5:8) Me, sa travay ki Bondye demande pu fer la, bizin pa vinn pli inportan ki laktivite predikasyon Rwayom ek fer bann disip.—Mat. 24:14; 28:19, 20.
2 Zezi ti les enn model pu nu swiv an seki konsern ‘rod rwayom avan tu.’ (Mat. 6:33; 1 Pyer 2:21) Mem si li pa ti ena gran kitsoz lor plan materyel, li ti donn li net pu fer volonte Bondye. (Lik 4:43; 9:58; Zan 4:34) Li ti fer zefor pu donn enn temwaynaz sak fwa ki li ti gayn lokazyon. (Lik 23:43; 1 Tim. 6:13) Li ti ankuraz so bann disip pu ena sa mem gran lintere la pu travay rekolt.—Mat. 9:37, 38.
3 Imit Zezi Zordi: Nu kapav imit legzanp Zezi kan nu sey amenn enn lavi sinp ki turn otur nu minister. Si nu ena bann kitsoz ki neseser pu nu viv, anu swiv konsey ki Labib done setadir pa rod gayn deplizanpli dibyin sa lemond la. (Mat. 6:19, 20; 1 Tim. 6:8) Li buku pli bon ki nu rod ogmant nu partisipasyon dan laktivite predikasyon! Si nu fer fas ar bann sityasyon byin difisil, ki nu kapav fer? Nu kapav fer zefor parey kuma Zezi, ek pa les bann traka vinn pli inportan ki nu laktivite prinsipal, setadir anons bon nuvel lor Rwayom.—Lik 8:14; 9:59-62.
4 Mem bann ki ena buku responsabilite, donn priyorite laktivite predikasyon. Enn frer ki ena enn gran fami, enn gran responsabilite dan travay ek ki servi dan kongregasyon kuma enn ansyin, dir: “Mo konsider mo minister kuma mo travay prinsipal.” Enn ser pyonye dir: “Pena okenn travay profann ki vo servis pyonye.”
5 Mem dan ki sityasyon nu ete, anu swiv legzanp Zezi. Kuma nu pu fer sa? Se kan nu fer nu minister vinn nu travay prinsipal.