Couma Servi Bann Modèle Présentation
1. Couma nou bizin considère bann modèle présentation ki nou gagné?
1 Nou trouve souvent bann modèle présentation pou offer bann périodique et bann lézot publication dans Ministère du Royaume. Kan nou pé prêché, li pa nécessaire ki nou répète mot pou mot séki’nn écrire dans sa bann suggestion-la. Zot là, pou donne nou enn l’idée lor séki nou kapav dire. Normalement, nou pou gagne pli bon résultat si nou faire bann présentation-la dans nou propre mot. Kan nou exprime nou dans enn façon naturel, sa aide nou pou mette bann dimoune à l’aise et sa montré ki nou koné séki nou pé dire ek ki nou sincère.—2 Cor. 2:17; 1 Thess. 1:5.
2. Kifer nou bizin prend compte bann coutume local kan nou pé prépare bann présentation?
2 Adapté Ou Presentation: Façon ki nou présente la bonne nouvelle dépann beaucoup lor bann coutume local. Eski dans ou territoire, ou kapav prend nouvelle dimoune-la ek après faire ou présentation rentre dans ou conversation, ou-soit eski bann dimoune-la atann ki ou dire zot dé-suite kifer ou devant zot la-porte? Sa dépann lor l’endroit kot ou été ou ek aussi lor dimoune avec ki ou pé kozé. Li bien important éna discernement aussi, kan nou servi bann question. Kifer? Parski bann question ki ou kapav posé dans certain l’endroit kapav mette bann dimoune mal à l’aise dans lézot l’endroit. Donc, nou bizin servi bon jugement ek adapté nou présentation d’après séki bann dimoune accepté dans nou territoire.
3. Kifer nou bizin prend compte culture ek façon vive, ek aussi façon pensé bann dimoune ar ki nou kozé?
3 En plus, kan nou prépare nou pou al prêché, nou bizin prend compte culture ek façon vive bann dimoune ki reste dans nou territoire, ek aussi zot façon pensé. Par exemple, ou pa pou discute Matthieu 6:10 avec enn Catholique bien pratiquant dans mem façon ki ou pou discute sa avec enn kikenn ki pa konn la prière “Notre Père.” Si avant, nou prend la peine pou réfléchi inpé, souvent nou pou kapav adapté nou présentation pou faire li parette pli attirant pou bann dimoune ki nou joinde dans prédication.—1 Cor. 9:20-23.
4. Kifer enn bon préparation, li bien important?
4 Mem si nou pense pou servi enn modèle présentation ki presque pareil couma séki finn écrire, péna nanyin ki remplace enn bon préparation. Nou bizin lire bien l’article ou-soit chapitre ki nou pense pou servi ek rod bann point ki kapav capté l’intérêt bann dimoune. Après sa, mette sa dans nou présentation. C’est zis kan nou bien konn bann sujet ki éna dans nou publication, ki nou kapav présente zot dans enn façon bien vivant.
5. Kifer nou kapav prépare enn présentation ki différent, ek couma nou kapav faire sa?
5 Lézot Façon pou Aborde Bann Dimoune: Eski nou obligé servi zis bann présentation ki’nn donné dans Ministère du Royaume ou dans lézot publication? Non. Si ou trouve enn lot présentation ou-soit enn lot verset ki pli facile pou ou, servi li. Surtout kan nou offer bann magazine, nou bizin veille bann l’occasion pou présente bann lartik secondaire, ki kapav intéresse en particulier bann dimoune dans nou territoire. Kan éna bann démonstration dans Réunion Service, kapav faire bann l’arrangement pou présente bann présentation ki efficace dans territoire congrégation. Sa pou aide nou tou pou présente la bonne nouvelle dans enn façon efficace.