Montré enn l’interet sincere—Kan nou prepare-nou bien
1 Kan nou prepare-nou bien pou predication, sa aide nou pou montré enn l’interet sincere pou lezot. Dan ki fason? Kan nou faire enn bon preparation, nou l’esprit pa pou concentré zis lor nou presentation, ek sa pou aide nou pou donne sa dimoune avek ki nou pé kozé-la enn pli grand l’attention. En plus, sa aide nou pou a l’aise ek sa pou permette nou dire seki nou ena dan nou leker. Mais, couma nou kapav prepare enn presentation efficace?
2 Servi enn presentation ki adapté: Choisir enn presentation ki approprié pou ou territoire dan Ministère du Royaume janvier 2006, ek guetté couma ou kapav dire sa dan ou prop mot. Adapté li ar ou territoire. Par exemple, si souvent ou joinde bann dimoune ki dan enn certain religion, ou-soit enn certain communauté, maziné ki kitsoz kapav interesse zot. Kan ou adapté ou presentation ar chaque dimoune avek ki ou kozé, sa montré ki ou ena enn l’interet sincere pou zot.—1 Cor. 9:22.
3 A mesure ou servi sa presentation-la, contigne ameliore li. Parski bann premier parole ki ou dire bien important, noté couma bann dimoune reagir ar ou introduction. Eski sujet-la interesse zot? Eski bann dimoune reponn ou bann question? Sinon, adapté ou conversation ziska ki ou trouve enn presentation ki marché.
4 Couma nou pou rappel?: Beaucoup proclamateur trouve sa difficile pou rappel zot presentation kan zot inn arrive devant la porte bann dimoune. Si ou dan sa cas-la, eski ou’nn essaye repete ou presentation avek enn lot dimoune? Si ou faire sa, ou bann l’idée pou bien clair dan ou l’esprit ek ou pou kapav presente zot dan enn fason simple ek logik. Sa kapav aussi prepare ou pou faire face ar different fason ki dimoune reagir dan predication.
5 Enn lot fason ki kapav aide ou pou rappel, c’est si ou ecrire enn ti resumé ou presentation lor enn ti boute papier prop, ek jette enn ti coup d’oeil lor la avant ki ou arrive devant la porte enn dimoune. Certain trouvé ki kan zot faire sa, zot pli a l’aise ek zot pli kapav ena enn conversation avek dimoune ki zot joinde. C’est dan sa bann fason-la ki enn bon preparation kapav aide nou pou montré enn l’interet sincere pou lezot, ek sa pou aussi ameliore fason ki nou presente la bonne nouvelle.