Eski ou pé servi bann feuille invitation?

Enn jour, enn garson ki ti ena 11 an ti trouve enn feuille invitation pou enn discours publik lor l’enfer. Plitar, li’nn expliké “Sa ti bien interesse moi parski, li ti parette ki touletan mo ti pé faire seki pa bon, ek mo ti peur pou al brulé dan l’enfer apré mo la-mort.” Li ti al assisté sa discours-la, ek apepré enn an plitar, apré ki li’nn etudié la Bible, li finn baptisé. C’est coumsa ki Karl Klein finn commence so carriere chrétien. Plitar li finn servi pendant plusieurs l’année couma enn membre dan College central bann Témoins de Jéhovah. Tou ti’nn commencé grace a enn feuille invitation.

Bann feuille invitation zot toujours enn zouti bien efficace zordi. Beaucoup proclamateur finn trouvé ki li facile pou presente zot-mem ek pou commence enn conversation grace a enn feuille invitation. Bann parent kapav faire zot bann jeune zenfant participe dan predication kan faire zot presente bann feuille invitation. Bann proclamateur ki rann temoignage a travers bann lettre, kapav mette enn feuille invitation ensam avek zot lettre, pou invite bann dimoune vinn reunion. Et, bien-sur bann feuille invitation zot bien pratik pou invite bann etudiant la Bible ek lezot dimoune ki interessé, pou assisté nou bann reunion.

Par devant lor bann feuille invitation, ou pou trouve enn ti description lor chaque reunion congregation. Pa’nn imprime l’adresse la Salle du Royaume ek l’heure ki faire reunion. Alors, kan ou pé quitte sa avek enn dimoune, ou pou bizin ecrire li ou-mem. Si necessaire, ou kapav servi l’espace ki ena pou note sa bann renseignement-la. Ou kapav soit tape li lor machine ou-soit stampe li.

Eski ou pé servi bien bann feuille invitation dan ou ministere?