Campagne mondial pou annonce l’assemblée district “Delivrance pé approché!”
Bann proclamateur dan chaque congregation pou distribué sa l’invitation-la
1 Pou ena enn campagne mondial a partir avril 2006 ki pou commencé dan l’hemisphere Nord ek pou contigné ziska ki tou bann l’assemblée district inn terminé dan le monde entier. Nou pou servi enn l’invitation special pou faire sa campagne-la ek pou annonce l’assemblée district ki pou faire dan environ 155 pays. Sa campagne-la concerne aussi bann l’assemblée special ki’nn prevoir en Allemagne, en République tchèque ek en Pologne pendant mois juillet ek premier semaine août 2006.
2 Nou pé vive dan period final bann dernier jour ek bann l’assemblée ki pou ena, pou attire l’attention lor promesse ki Bondié finn faire pou delivré nou avek sa mauvais lé-monde-la. Sans doute sa message-la pou bien interesse bann dimoune ki ena leker bien disposé, ek sa pou pousse zot pou reflechi lor seki pou arrivé dan l’avenir. Pou ki bann million dimoune gagne l’occasion tann enn message ki pou reconforte zot ek donne zot l’espoir, plus ki 98,000 congregation bann Témoins de Jéhovah dan le monde entier pou participe avek zèle dan enn campagne pou invite tou dimoune dan zot territoire pou assisté l’assemblée.
3 Bann congregation pou gagne assez l’invitation pou ki chaque proclamateur gagne maximum 50 invitation. Seki resté, kapav donne bann pionnier dan congregation. Chaque congregation pou commence sa campagne-la trois semaine avant premier jour l’assemblée kot zot invité. Coumsa, zot pou gagne assez lé-temps pou couvert, si possible, tou territoire la congregation.
4 Li bon ki, autant ki possible, nou joinde dimoune-la kan nou quitte enn l’invitation. Mais si jamais dimoune-la pa là, ou kapav coule li enba la porte. Li important ki nou faire zeffort pou distribué tou l’invitation pendant sa trois semaine-la.
5 Si nou suive bann conseil ki nou’nn gagné dan sa lartik-la ek si nou faire bann zeffort pou invite bann dimoune pou assisté l’assemblée district “Delivrance pé approché!” nou sur ki sa pou donne enn grand temoignage lor la terre entier! Nou prié ki Jéhovah beni bann disposition ki ou finn prend pou participe dan sa campagne-la.