Enn l’aide ki facile pou trouvé
1. Couma enn kikenn kapav affaibli lor plan spirituel?
1 Anna ti ena enn mari ki pa ti dan la verité ek enn travail ki ti prend beaucoup so lé-temps. Li ti trouve sa difficile pou assisté bann reunion regulierement, sorti en predication, ek etudié Parole Bondié. Mem si li ti encore toujours content Jéhovah, li ti vinn inactif. Mais heureusement, li’nn gagne l’aide spirituel avek bann ancien ki ti interessé avek li.
2. Couma tou chrétien kapav montré ki zot enn l’aide ki facile pou trouvé?
2 Kan nou accepté l’aide spirituel ki nou gagné a travers la congregation, sa montré ki nou compte lor Jéhovah Li-mem. Pareil couma Jésus ti montré enn l’interet sincere pou lezot, bann ancien dan la congregation rod bann l’occasion pou encourage ek aide bann ki gagne difficulté lor plan spirituel, dan enn fason pratik. (1 Thess. 1:1; 5:14) Souvent, certain bizin zis enn parole encourageant basé lor bann verset la Bible ki reconfortant. C’est pa zis bann ancien ki bizin prend l’initiative pou aide bann ki pé passe par enn periode difficile ki affecté zot spiritualité, mais nou tou ki chrétien, nou kapav faire nou part. Sans doute, nou tou finn senti personnellement ki l’effet ‘enn parole ki dire dan bon moment,’ kapav ena.—Prov. 25:11; Is. 35:3, 4.
3, 4. Ki bizin faire pou aide lezot, ek couma nou kapav aide lezot?
3 Prend l’initiative: Pou montré enn l’interet sincere envers bann ki bizin l’aide, nou bizin prend l’initiative, mette nou dan zot place ek pa abandonné facilement. Kan Yonathân ti’nn gagne nouvel ki David ti pé passe dan enn moment difficile, li ‘ti levé ek li ti al rod David en Horesh, pou ki li kapav fortifié li.’ (1 Sam. 23:15, 16) Nou bizin aide lezot avek douceur. Kan nou bann parole reflecté enn l’interet sincere, zot produire bann pli bon resultat. En plus, Jésus ti montré par enn l’exemple ki nou pou bizin faire bann grand zeffort ek ena enn l’objectif precis pou nou kapav gagne nou frere ou-soit soeur spirituel. (Luc 15:4) Si nou ena enn desir sincere pou aide enn lot dimoune, sa pou pousse nou pou contigne offert nou l’aide mem si nou pa trouve bann resultat-la dé-suite.
4 Oui, li bien encourageant kan nou prend l’initiative pou invite lezot, par exemple bann ki dan nou l’etude de livre, pou accompagne nou dan predication. Kan nou pé aide enn compagnon pou participe dan predication, nou kapav profite l’occasion pou fortifié li. Sa bann moment joyeux ki nou passé ensam dan service Jéhovah-la, li vrai-mem encourageant pou bann ki pé faire zeffort pou retrouve zot l’equilibre spirituel.
5. Dan certain circonstance, ki l’aide bann ancien kapav proposé?
5 Enn disposition ki reflecté l’amour: Si sa faire inpé lé-temps ki certain pa finn sorti en predication ou-soit pa finn assisté reunion, kitfois zot pou bizin plus l’aide pou fortifié zot la-foi. Kitfois sel kitsoz ki zot bizin c’est enn l’etude la Bible dan enn publication, par exemple livre Ador Sel Vre Bondye, Approchez-vous de Jéhovah ou-soit Ki la Bible enseigné vrai-mem? Normalement li pa necessaire faire l’etude pendant enn longue period, parski sa dimoune-la deja baptisé. Comité service congregation pou veillé si ena kikenn ki kapav profite sa disposition-la.—Guette l’encadré “ Réponse à vos questions ” dan Ministère du Royaume, novembre 1998 ek novembre 2000, en français.
6. Couma enn soeur ti regagne la force spirituel?
6 Anna, ki nou’nn mentionné avant, ti accepté avek plaisir l’aide ki bann ancien ti propose li, pou ki enn soeur mur lor plan spirituel, vinn faire enn l’etude la Bible avek li. Ti bizin zis quatre l’etude pou aide Anna ré-vinn proche avek Jéhovah. Li ti recommence assisté bann reunion ek li ti ré-envie loué Jéhovah en publik. Sa soeur mur-la ti aussi aide li dan ministere. Li ti amenn Anna dan bann l’etude la Bible ziska ki Anna ti vinn assez fort lor plan spirituel pou preché porte-en-porte. Enn l’aide, enn soutien—c’est seki li ti bizin pou reprend so bann activité spirituel!
7. Ki bienfait nou gagné kan nou fortifié lezot lor plan spirituel?
7 Kan nou fortifié bann ki bizin l’aide, sa faire nou tou gagne bann benediction. Celui ki gagne l’aide, apprecié ki li’nn vinn proche ar Jéhovah ek ki li kapav ré-participe dan bann activité So l’organisation. Bann ancien content kan zot trouve sa qualité progré spirituel-la. (Luc 15:5, 6) Bann membre dan la congregation vinn pli proche entre zot ek zot uni parski sakenn montré enn l’amour sincere pou so camarade. (Col. 3:12-14) Oui nou ena bann bon raison pou imite Jéhovah, ki enn l’aide facile pou trouvé!—Éph. 5:1.