Anou apprecié nou l’etude dan livre Ki la Bible enseigné vrai-mem?
1 Parmi bann point fort nou l’assemblée district “L’obeissance pou Bondié,” ti ena presentation nouveau livre Ki la Bible enseigné vrai-mem? Bientot nou pou servi sa beaucoup dan predication, surtout pou dirige bann l’etude la Bible. Alors, li important ki nou konn sa nouveau publication-la bien. Nou pou gagne sa l’occasion-la, kan nou pou etudié sa dan l’etude de livre a partir semaine 17 avril 2006.
2 Surveillant l’etude de livre pou attire l’attention lor bann question ki trouve dan commencement chaque chapitre. Apré sa, li pou servi bann question pou chaque paragraphe pou conduire l’etude. Li bon ki lire ek discute bann verset clé. A la fin chaque chapitre ena l’encadré “Seki la Bible enseigné.” Sa pou permette nou faire enn bon revision parski li donne bann verset ki reponn bann question ki trouve au commencement enn chapitre. Ou pou content pou donne bann reponse parski sa livre-la traite bann sujet dan enn fason clair, simple ek interessant.
3 Appendice sa livre-la, donne bann detail lor plusieurs sujet. Nou pou kapav servi sa bann renseignement-la si nou l’etude bizin plus explication lor certain sujet. Dé-fois, nou pou examine certain partie dan l’appendice pendant nou l’etude de livre. Dan sa cas-la, frere ki faire lecture, pou lire aussi tou bann paragraphe ki bizin examiné dan appendice. Si certain lartik longue, pou kapav examine zot en plusieurs partie. Pena bann question dan appendice, mais surveillant kapav pose bann question pou attire l’attention lor bann point important. Coumsa li pou encourage l’assistance pou faire bann commentaire lor appendice.
4 Dan l’etude de livre, nou pou al bien vite dan livre Ki la Bible enseigné? Li pa necessaire ki nou al aussi vite kan nou pé etudié sa livre-la avek lezot, surtout si zot pena enn grand connaissance lor la Bible ou-soit si zot pa konn la Bible ditou. (Actes 26:28, 29) Kan nou pé conduire bann l’etude, nou pou bizin discute bann verset inpé plus en detail, nou pou bizin aussi explik bann illustration, ek lezot kitsoz encore. Alors, fixé-ou l’objectif pou assisté l’etude de livre toulé-semaine ek pou bien participé kan nou etudié livre Ki la Bible enseigné vrai-mem?