Program prochain l’assemblée special enn jour

Grace a la force ki l’esprit saint ti donne zot, bann premier chrétien ti preche la bonne nouvelle avek zele, autant ki zot ti kapav. (Actes 1:8; Col. 1:23) Program l’assemblée special enn jour pou l’année service 2007, ‘Reste bien occupé avek la Parole,’ pou aide nou pou imite zot bon l’exemple.—Actes 18:5.

Le roi David ti dire concernant parole Bondié: “Nou kapav ena confiance dan rappel Jéhovah, li faire enn dimoune ki pena l’experience gagne la sagesse.” (Ps. 19:7) Program l’assemblée special enn jour ki’nn preparé avek soin, pou montré bien couma la Bible kapav aide nou “pou reglé bann problem.” Li pou encourage nou pou servi Parole Bondié pou preché ek pou enseigne lezot avek l’idée ki la fin bien pré. (2 Tim. 3:16, 17) Sa nouveau program-la pou montré couma nou kapav evite bann piege ek tire profit kan nou mette en pratik bann principe la Bible dan nou la-vie toulé-jour. Li pou aussi aide nou pou servi Parole Bondié pou aide bann jeune ek bann nouveau pou progressé lor plan spirituel.

Faire zeffort pou present kan program l’assemblée commencé, ek ecoute bien. Prend bann note lor bann point ki ou kapav applik dan ou la-vie personnellement. Montré ou reconnaissance pou bann instruction ek bann rappel ki ou gagné dan l’assemblée, ek reflechi couma ou kapav mette en pratik bann kitsoz ki ou’nn aprann.

Program l’assemblée special enn jour pou augmente nou l’appreciation pou Parole Bondié, li pou rappel nou pou contigne preche la bonne nouvelle lor Royaume Bondié avek zèle, ek li pou montré nou couma nou kapav aide lezot aussi pou faire pareil. Alors, prend enn decision ferme pou pa rate okenn conseil ni okenn instruction ki Jéhovah donné a travers l’assemblée special enn jour!—Is. 30:20b, 21.