Retourne visite tou bann dimoune ki montré enn certain l’interet
1 Beaucoup parmi nou dan la verité zordi parski enn proclamateur inn trouvé ki nou ti manifesté l’interet pou message lor Royaume Bondié ek li’nn ena patience pou retourné—kitfois plusieurs fois—pou developpe sa l’interet-la. Nou aussi nou bizin prend la peine pou retourne visite tou bann ki montré enn certain l’interet. Oui, faire bann visite, sa li forme partie dan mission ki nou’nn gagné pou faire “bann disciple.”—Mat. 28:19, 20.
2 Discerne l’interet: Mem si enn dimoune pa accepté publication, so figure, so ton la-voix ek so bann parole, kapav montré si li ena enn certain l’interet pou nou message. Lerla nou kapav decidé si nou pou revisite li. Enn frere ti visite enn dimoune cinq semaine a suive sans ki li reussi place enn publication. Lor so sixieme visite, dimoune-la ti accepté enn publication ek finalement li’nn commence enn l’etude.
3 Si ou senti ki dimoune-la interessé, pa tardé pou retourné, kitfois-mem dé-trois jour apré. Pa donne “sa kikenn ki mauvais-la” l’occasion pou arrache seki ou finn semé dan leker sa dimoune-la. (Mat. 13:19) Si ou finn dire dimoune-la ki ou pou retourné enn certaine l’heure, assure-ou ki ou garde ou parole.—Mat. 5:37.
4 Kan nou preché lor la rue: Eski ou faire tou seki ou kapav pou suive l’interet bann dimoune ki ou joinde kan ou donne temoignage lor la rue ou dan fason informel? A la fin ou conversation ou kapav dire: “Mo’nn bien content sa conversation ki nou finn ena-la. Kot-sa mo kapav joinde ou pou ki nou kapav contigne nou conversation?” Si possible, certain proclamateur kapav decidé pou donne sa dimoune ki interessé-la zot numero telephone ek demann li seki pou li. Kan bann dimoune trouve ou pé preché lor la rue dan mem place regulierement, kitfois zot pou pli disposé pou donne ou zot numero telephone ou-soit zot l’adresse. Mem si zot refuse donne ou sa bann renseignement-la, ou kapav toujours developpe zot l’interet prochaine fois ki ou joinde zot lor chemin.
5 Kan nou trouve bann plante ki nou’nn arrosé ek cultivé, grandi bien, sa donne nou la joie. Kan nou faire visite ek nou aide bann dimoune pou progressé lor plan spirituel, sa aussi donne nou la joie. (1 Cor. 3:6) Fixé l’objectif pou retourne visite tou bann ki montré enn certaine l’interet.