Question Ki’nn Soulevé

◼ Couma bizin annonce cantik dan commencement Lekol ministere theocratik, reunion service, discours publik, ek l’etude La Tour de Garde, ek kisannla bizin faire sa?

Ena la liste tou bann cantik ki pou chanté chaque semaine dan Lekol ministere theocratik dan supplement Ministère du Royaume octobre. La liste pou bann cantik ki pou chanté avant ek apré reunion service pou chaque semaine, trouve lor page 2 dan Ministère du Royaume. Pou l’etude La Tour de Garde pou chaque semaine aussi pareil. Finn ecrire bann numero cantik lor page 2 dan La Tour de Garde. Bann cantik ki trouve dan Ministère du Royaume ek La Tour de Garde, zot forme partie dan reunion ki pé faire. Alors, c’est sa frere ki pou conduire sa reunion-la ki pou annonce cantik. Ni surveillant lekol, ni president ki introduire discours publik pa pou introduire prochain reunion.

Par exemple, surveillant Lekol ministere theocratik pou souhaite la bienvenue tou bann assistant, li pou annonce cantik dan commencement, dirige lekol, ek apré lekol, li pou invite premier orateur dan reunion service pou vinn lor l’estrade. C’est sa frere ki ena enn participation dan reunion service-la ki pou annonce cantik pou introduire reunion service.

Pareil aussi, discours publik pou annoncé par enn president. Li pou souhaite la bienvenue tou dimoune ek li pou invite zot pou chante premier cantik ki finn choisir par l’orateur. President-la (ou-soit enn lot frere qualifié ki finn choisiré a l’avance) pou commence reunion avek la priere. Li pou annonce l’orateur ek theme so discours. Apré discours, president-la pa pou faire enn resumé seki finn dire dan discours. Li pou zis dire dé-trois parole remerciement pou discours-la. Li pou annonce theme discours publik la semaine prochaine, ek li pou invite tou seki là pou resté pou l’etude La Tour de Garde. President-la pa necessaire demann l’assistance si zot envie envoye zot salutation avek sa orateur-la. Apré, president pou invite frere ki pou dirige l’etude La Tour de Garde pou vinn lor l’estrade.

Frere ki pou conduire l’etude La Tour de Garde pou annonce premier cantik ki en rapport avek l’etude. Li pou dirige l’etude dapré bann instruction ek apré li pou annonce cantik final. Normalement, sa frere-la pou invite frere ki’nn faire discours publik pou faire la priere final.

Kan nou applik sa bann instruction general-la, sa pou faire ki bann reunion dirigé dan mem fason, dan tou bann congregation.