Nouveau programme reunion
1, 2. Ki changement pou ena dan nou bann reunion a partir janvier 2009?
1 Pendant semaine le 21-27 avril 2008, tou bann frere ek soeur dan le monde entier finn tann enn annonce ki’nn faire zot bien content. “A partir le 1er janvier 2009, l’etude de livre pou faire ensam avek Lekol ministere theocratik ek reunion service. Pou nepli appel sa l’etude de livre la congregation, mais l’etude biblik la congregation.”
2 Duré: Sa trois reunion-la pou dure 1 heure temps 45 minute avek cantik ek la priere ensam. Reunion pou commencé par enn cantik ek la priere (5 min.), apré pou faire l’etude biblik la congregation (25 min.). Desuite apré, pou faire Lekol ministere theocratik (30 min.). Lerla nou pou chante enn cantik (5 min.) ki pou introduire reunion service (35 min.). Reunion pou fini par enn cantik ek la priere (5 min.). Pou aide ou prepare sa bann reunion-la, chaque mois dan Ministère du Royaume pou ena programme l’etude biblik la congregation, Lekol ministere theocratik, ek reunion service.
3. Couma pou faire l’etude biblik la congregation?
3 L’etude biblik la congregation: Sa reunion-la pou faire pareil couma faire l’etude La Tour de Garde. Pa necessaire faire enn revision lor seki ti faire semaine avant. Pou bizin plutot commence sa reunion-la avek enn l’introduction bien courte. Sa pou permette l’assistance gagne assez le temps pou donne bann reponse bref. Surveillant president pou organise-li pou ki bann ancien conduire l’etude sakenn son tour, pou ki chaque semaine enn ancien different kapav conduire l’etude.
4. Dan ki fason reunion service pou changé?
4 Reunion service: Reunion service pou reste pareil, mais bann sujet ki pou ena pou pli courte. Normalement bann annonce pou prend cinq minute. Sa pou assez pou faire bann annonce important ek lire certain lettre ki la filiale envoyé. Li pa pou necessaire faire bann annonce, couma par exemple, rendez-vous predication, nettoyage la salle, rapport compte, ek bann lettre ki la filiale habitué envoyé. Sa bann annonce-la pou lor tableau pou ki bann frere ek soeur kapav lire. Bann ki pou ena sujet dan programme reunion service pou bizin prepare-zot bien, suive bann instruction ki zot pou gagné ek pa depasse le temps ki finn donne zot.
5. Pendant semaine visite surveillant circonscription, couma programme reunion pou deroulé?
5 Visite surveillant circonscription: Visite surveillant circonscription pa pou changé. Mardi pou ena Lekol ministere theocratik ek reunion service ek apré pou ena enn cantik. Apré, surveillant circonscription pou faire enn discours 30 minute. Couma habitué faire pendant semaine so visite, pou ena enn lot soirée kot pou faire L’etude biblik la congregation, apré pou chante enn cantik ek surveillant circonscription pou faire so discours service. Sa reunion-la pou terminé par enn cantik ek la priere.
6. Ki responsabilité surveillant groupe ena?
6 Reunion predication: Pou ena bann surveillant groupe ki college bann ancien pou designé pou occupe predication ki pou faire par bann groupe ek pou prend soin bann frere ek soeur dan sa bann groupe-la. Si c’est enn assistant ministeriel ki bizin prend sa responsabilité-la, pou appel li enn “serviteur groupe.”
7. Ki nou kapav attann grace a sa nouveau programme reunion-la?
7 Couma nou finn trouvé dan bann renseignement ki ena ici, nou pou gagne l’occasion pou profite enn l’enseignement instructif ek encourageant ki pou aide nou pou ena enn relation bien solide avek Jéhovah. Sa pou aide nou pou vinn bann proclamateur ek bann enseignant efficace, ki formé pou gagne pli bon resultat dan nou ministere.—Éph. 4:13, 14; 2 Tim. 3:17.
8. Couma, kan nou prepare-nou en avance, sa pou faire nou ek lezot tire profit?
8 Kan nou prepare sa bann reunion-la en avance, sa aide nou pou concentré lor bann point principal ki pou examiné pendant chaque reunion. Nou tou nou pou gagne l’occasion pou faire bann commentaire, ek lerla pou ena enn bon l’echange l’encouragement. (Rom. 1:11, 12; Héb. 10:24) Nou bizin ena l’objectif ki bann dimoune ‘trouve nou bann progré’ kan nou “servi parole la verité couma bizin.”—1 Tim. 4:15; 2 Tim. 2:15.
9. Ki nou bizin bien decidé pou faire, ek kifer?
9 Nou bien content sa grand changement ki ena concernant bann reunion congregation-la. Nou tou, anou contigne suive direction ki “l’esclave fidele et avisé” donne nou ek anou reste proche ar nou Grand Berger alors ki Li pé prepare nou pou la grande “tribulation” ki derriere la porte.—Mat. 24:21, 45; Héb. 13:20, 21; Rév. 7:14.