Bann changement interessant concernant La Tour de Garde!
1 Dan commencement sa l’année-la, bann congregation ti gagne enn bon nouvel: a partir janvier 2008, pou ena deux different edition La Tour de Garde en français, enn pou publik ek lot-la pou bann frere ek soeur! Kitfois ou finn demann ou-mem: ‘Ki difference pou ena entre sa deux magazine-la? Ki l’avantage ena pou ena deux edition separé? Eski pou ena bann nouveau kitsoz ki pou parette dan sa bann nouveau edition-la?’
2 Bann difference: La Tour de Garde ki pou sorti le premier chaque mois pou appel “edition pou publik.” Tou bann lartik ki pou ena ladan, pou preparé pou ki publik kapav tire profit. La Tour de Garde ki pou sorti le 15 chaque mois pou appel “edition pou l’etude,” ek nou pa pou place li dan predication. Ladan pou ena tou bann lartik l’etude ki nou bizin pou enn mois ek aussi bann lartik secondaire ki pou concerne bann chrétien baptisé. Edition La Tour de Garde pou publik pa pou interesse zis bann Témoins, mais pou interesse surtout bann ki pa Témoin mais ki kitfois croire dan la Bible. Réveillez-vous ! pou contigne ena l’objectif pou touche plus dimoune, parmi ena bann ki ena doute ek bann ki pa dan enn religion chrétien.
3 Bann l’avantage: Dan edition pou l’etude, pou nepli necessaire explik bann mot couma “pionnier” pou ki bann ki pa Témoin kapav comprend. Dan sa edition-la pou kapav ena aussi bann l’information ki pou preparé zis pou bann Témoins de Jéhovah ek bann etudiant la Bible ki pé faire bann bon progré lor plan spirituel. Ki pou ena dan edition pou publik? Parski bann sujet ek style ki sa bann lartik-la pou ecrire, pou adapté pou publik, enn dimoune ki pa Témoin pou content pou lire periodik-la entier. Bien sur, tou bann Témoins de Jéhovah pou tire profit pou lire toulé-deux magazine. Parski nou pou place zis enn La Tour de Garde ek enn Réveillez-vous ! par mois, nou pou ena enn mois entier pou prepare bann bon presentation.
4 Bann nouveau kitsoz: Pou ena bann nouveau kitsoz dan edition La Tour de Garde pou publik. Par exemple, ena lartik pou discute lor bann l’enseignement principal ki ena dan la Bible dan enn fason bien simple. Ena lezot lartik ki pou montré couma la Bible kapav aide bann famille. Pou ena bann lezot lartik encore ki pou aide bann jeune dan zot l’etude la Bible. Dan chaque magazine, pou ena enn lartik ki pou attire l’attention lor bann passage la Bible ki enseigne nou lor personnalité Jéhovah.
5 Nou prié ki Jéhovah pou beni sa nouveau disposition concernant La Tour de Garde-la. Nou souhaité ki sa magazine-la ensam avek Réveillez-vous !, pou kapav touche pli beaucoup dimoune sincere encore avek la bonne nouvelle.—Mat. 10:11.