Pou offert enn Réveillez-vous ! special en novembre!
1 Beaucoup dimoune ena bann question sincere lor valeur ki la Bible ena. Par exemple, zot dire: si bann dimoune inn ecrire la Bible, couma nou kapav appel sa Parole Bondié? Ki bann raison mo ena pou mo compte lor la Bible pou dirige mo bann pas? Ki profit mo pou gagné si mo prend le temps ek faire zeffort pou lire ek etudié la Bible? Ki traduction la Bible mo bizin servi? Sa c’est zis dé-trois question ki pou reponn dan Réveillez-vous ! special ki pou sorti en novembre. Theme sa Réveillez-vous !-la pou: “ Pouvez-vous avoir confiance en la Bible ? ”
2 Nou pou envie place sa Réveillez-vous ! special-la ar maximum dimoune dan nou territoire. Si li possible, participe dan predication porte en porte avek la congregation chaque samedi pendant mois novembre. Montré sa Réveillez-vous !-la ar ou bann famille, bann voisin, bann collegue travail, bann professeur, bann camarade lekol, ek bann visite. Amenn inpé avek ou kan ou al faire shopping ek kan ou voyagé. Bann ancien finn augmente commande pou sa Réveillez-vous !-la pou ki congregation ena enn assez bon quantité.
3 Commence enn l’etude: Si ou place sa periodik-la, ou kapav jette base pou enn l’etude la Bible avant ki ou fini ou conversation. Par exemple, ou kapav dire: “La prochaine fois, mo ti pou content montré ou reponse ki la Bible donné pou sa question-la: ‘Ki projet Bondié ena pou la terre?’” Kan ou ré-vini, amenn livre Ki la Bible enseigné? ek montré dimoune-la page 4-5, ou-soit examine paragraphe 1-3 dan chapitre 3. Enn lot kitsoz ki ou kapav dire, c’est: “La prochaine fois, mo ti pou bien content discute avek ou enn prophetie dan la Bible ki pé realisé asterla-mem.” Kan ou ré-vini, montré dimoune-la chapitre 9 dan livre-la ek examine ensam paragraphe 1-3. Ou-soit ou kapav zis dire li: “Beaucoup dimoune trouve sa difficile pou comprend seki zot lire dan la Bible. La prochaine fois, mo ti pou content montré ou couma ou kapav comprend ou la-Bible pli bien.” Kan ou vinn faire visite, presente livre Ki la Bible enseigné? ek montré-li couma enn l’etude la Bible deroulé.
4 Zis dan la Bible ki ena bann “l’ecriture sacré,” ki kapav faire nou “vinn sage pou [nou] gagne la vie sauve.” (2 Tim. 3:15) Alors, nou tou nou pou envie participe avek zele dan sa campagne pou offert sa Réveillez-vous ! special-la pou aide bann dimoune mette zot confiance dan la Bible!