Rappel la ranson avek reconnaissance
1, 2. Ki bann raison nou ena pou rappel la ranson avek reconnaissance?
1 Partout lor la terre, bann chretien pou obeir commandement Jésus samedi 22 mars 2008, pou celebré la mort Jésus Christ. (Luc 22:19; 1 Cor. 11:23-26) C’est nou reconnaissance ki pousse nou pou faire sa a cause tou seki finn accompli sa jour-la, ena 1,975 an. Pendant ki li ti pé konn enn la-mort terrible lor enn poteau souffrance, Jésus ti garde enn fidelité parfait, grace a sa, li finn sanctifié nom so Papa, ek dementi enn fois pou tou bann l’accusation Satan.—Job 1:11; Prov. 27:11.
2 Di-sang ki Jésus inn versé, finn valide la nouvelle alliance. Sa finn permette ki Jéhovah adopté bann humain imparfait couma so bann garson ek donne zot l’espoir pou regne avek Christ dan so Royaume dan le ciel. (Jér. 31:31-34; Marc 14:24) En plus, nou’nn trouve bien ki quantité l’amour ki Bondié ena pou bann dimoune kan Li’nn donne so Garson ki Li bien content en sacrifice, pareil couma Jésus li-mem ti explik Nicodème.—Jean 3:16.
3. Ki profit bann ki pou vinn Mémorial pou tiré?
3 Invite lezot: Ministère du Royaume janvier ti encourage nou pou faire enn la-liste bann dimoune ki nou koné ek invite chaque dimoune personnellement. Eski ou finn commence invite bann dimoune ki ou ena lor ou la-liste? Eski ou pé faire bann arrangement pou participe bien dan sa campagne ki pou commencé le 1er mars pou invite bann dimoune Mémorial-la? Bann ki pou vini pou tann bann kitsoz ki sorti dan la Bible ki kapav encourage zot pou ena la foi dan la ranson, seki kapav faire zot gagne la vie eternel.—Rom. 10:17.
4. Kifer nou bizin vinn boner Mémorial?
4 Tou bann ki kapav bizin organise-zot pou vinn boner pou accueillir bann ki finn accepté sa l’invitation special-la. Parski ena beaucoup dimoune ki vinn Mémorial, li important ki nou prend bien compte bann nouveau ek aussi bann ki vinn reunion de temps en temps.
5. Couma ou kapav prepare ou leker pou Mémorial?
5 Prepare ou leker: Ena enn programme special pou lecture la Bible pou Mémorial ki commencé le 17 mars dan brochure Anou examine la Bible toulé-jour—2008 ek dan Calendrier 2008. Kan ou pou examine bann l’evenement important ki finn arrivé pendant bann dernier jour dan la vie Jésus lor la terre, sa pou aide ou prepare ou leker pou Mémorial. (Ezra 7:10) Kan ou medite dan la priere lor sa bann recit ki ena dan la Bible-la, sa pou augmente ou reconnaissance pou l’amour ki Jéhovah ek so Garson finn manifesté kan zot finn donne nou la ranson.—Ps. 143:5.
6. Couma nou pou tire profit kan nou augmente nou reconnaissance pou la ranson?
6 Alors ki Mémorial pé approché, anou prepare-nou bien ek aide lezot aussi pou prepare-zot pou sa l’evenement important-la. Kan nou rappel la ranson avek reconnaissance, sa pou renforce nou relation avek Jéhovah ek so Garson. (2 Cor. 5:14, 15) Sa pou pousse nou pou imite zot ek montré enn l’amour ki pousse nou pou faire sacrifice pou lezot.—Jean 4:11.