Campagne mondial l’invitation pou Mémorial!

1. Ki campagne special mondial finn prevoir avant Mémorial?

¹ “Contigne faire sa en mo memoire.” (Luc 22:19) Pou obeir sa commandement Jésus-la, bann serviteur Jéhovah ensam avek bann ki interessé pou rassemblé le 30 mars 2010 pou commemore la mort Jésus. Partout dan le monde pou distribué enn l’invitation special pou Mémorial a partir le 13 mars ziska le 30 mars.

2. Couma nou kapav offert l’invitation pou Mémorial?

² Couma pou offert l’invitation: Ou kapav donne l’invitation-la enn dimoune pou li kapav trouve couverture l’invitation-la. Apré ou kapav dire: “Pendant la soirée le 30 mars, bann million dimoune partout dan le monde pou rassemblé pou commemore la mort Jésus. Mo’nn vinn kot ou pou donne ou ek ou famille enn l’invitation pou assisté sa l’evenement-la. Ou bann camarade aussi kapav vini. Note ler ek l’endroit kot nou pou faire sa celebration-la.” Si situation permette, ou kapav lire avek dimoune-la Luc 22:19 dan la Bible, verset ki montré l’ordre pou faire sa celebration-la. Selman rappel ki, parski nou ena tigit le temps pou couvert nou territoire, li pli bon ki nou pa prend trop beaucoup le temps.

3. Kisannla nou kapav invité?

³ Si ou congregation ena enn grand territoire, bann ancien kitfois pou dire ou pou laisse bann invitation kot bann absent. Kan li approprié, offert bann magazine ensam avek nou l’invitation. Faire sur ki ou invite ou bann visite, bann etudiant la Bible, bann collegue travail, bann camarade lekol, bann famille, bann voisin ek lezot dimoune ki ou koné.

4. Ki nou reconnaissance pou l’amour Jéhovah kan Li’nn donne nou la ranson, pou motive nou faire?

⁴ Prepare-ou pou participe bien: Lepok Mémorial li enn bon moment pou augmente ou l’activité. Eski ou kapav change ou programme pou ou faire pionnier auxiliaire? Eski ou ena bann zenfant ou-soit bann etudiant la Bible ki pé faire progré? Si oui, contacté bann ancien pou guetté si sa bann nouveau-la rempli bann condition pou participe dan sa campagne special-la en tant ki bann proclamateur non-baptisé. Nou reconnaissance pou l’amour ki Jéhovah finn ena pou nou kan Li’nn donne nou la ranson pou motive nou pou pa zis assisté Mémorial, mais aussi pou invite maximum dimoune possible pou vinn assisté sa l’evenement-la avek nou.—Jean 3:16.