Couma nou bizin prepare reunion service
1. (a) Ki l’objectif reunion service? (b) Couma nou kapav tire maximum profit ar sa reunion-la?
1 Reunion service inn faire pou aide nou vinn efficace dan nou ministere. Sa reunion-la mette surtout l’accent lor predication la bonne nouvelle lor Royaume Bondié, l’activité pou faire bann disciple, ek pou dire bann dimoune ki jugement Bondié bien pré. (Mat. 28:20; Marc 13:10; 2 Pierre 3:7) Nou tire profit ar sa reunion important-la kan nou bien preparé ek kan nou faire zeffort pou participé.
2. Couma ou kapav prepare-ou pou ecoute enn discours?
2 Discours: Frere ki pou faire enn discours pou koné ki publication pou servi kan li guette bann instruction. Ou kapav examine sa publication-la, avek bann verset ki’nn cité, ek reflechi couma ou kapav applik sa bann information-la dan ou ministere.
3. Ki nou kapav faire pou prepare enn sujet ki faire par question-reponse?
3 Discussion par question-reponse: Sa partie-la pou faire inpé pareil couma l’etude La Tour de Garde, avek enn ti l’introduction, ek enn ti conclusion. Souligne bann point important dan chaque paragraphe, ek prepare-ou pou donne bann ti commentaire interessant.
4. Couma nou kapav prepare-nou kan ena enn discussion avek l’auditoire?
4 Discussion avek l’auditoire: Sa partie-la pou presenté couma enn discours, mais l’orateur-la pou demann l’auditoire participé. Si ou souligne bann point important ek ou guette bann verset ki’nn cité, ou pou kapav donne enn commentaire kan l’orateur pose bann question. Frere ki faire sa partie-la pou faire tou seki li kapav pou faire l’auditoire participé pou faire ressorti bann point important.
5. Ki pou aide nou profite maximum bann demonstration?
5 Demonstration: Certain sujet pou ena bann demonstration realiste ki montré couma nou kapav applik bann renseignement ki nou pé examiné dan territoire local. Bann demonstration pou faire par bann ancien, par bann proclamateur ki ena l’experience ou-soit bann pionnier. Ou kapav prepare-ou pou sa partie-la kan ou reflechi lor fason ki kapav faire sa bann demonstration-la. Kan faire enn demonstration, reflechi lor fason ki ou kapav dire sa dan ou prop mot ek adapté sa avek different dimoune. Faire sur ki ou ena avek ou publication ou-soit magazine ki pou servi dan demonstration-la. Pendant ou l’etude familial, kitfois ou kapav trouve sa utile pou pratik certain parmi sa bann presentation-la.
6. Ki bann raison nou ena pou prepare reunion service?
6 Nou plus apprecié reunion service kan nou bien preparé ek kan nou reflechi lor seki pou presenté, avant reunion. Si nou suive sa bann suggestion-la, pou ena enn pli grand l’echange l’encouragement. (Rom. 1:11, 12) Si nou prend le temps pou prepare nou reunion service, nou pou pli bien preparé pou accompli nou mission.—2 Tim. 3:17.