Instruction pou bann ki ena enn participation dan reunion service
A partir sa numero-la, bann l’expression ki ena dan programme reunion service, dan Ministere du Royaume pé simplifié. Sa bann nouveau instruction ek bann rappel ki suive-la pou mette a jour ek pou rann pli clair seki ti dire dan lartik “Couma nou bizin prepare reunion service,” ki ti parette dan Ministere du Royaume mai 2009.
◼ Discours: Sa concerne enn discours ki basé lor bann publication ki’nn donné en reference, sans participation l’auditoire. Orateur bizin concentré-li lor seki pou aide plus la congregation.
◼ Question-reponse: Pareil couma l’etude La Tour de Garde, frere ki faire sa partie-la pou faire enn ti l’introduction ek conclusion, ek pou pose bann question pou tou bann paragraphe. Li pou evite faire trop beaucoup commentaire. Kapav lire bann texte important, si le temps permette. Fodé pa lire bann paragraphe sauf si finn donne bann instruction pou faire sa.
◼ Discussion: C’est enn discours kot l’auditoire pou participé inpé. Sa partie-la pa zis enn discours ou-soit zis question-reponse.
◼ Demonstration ek interview: Kan nou trouve demonstration sa vedir ki frere ki ena sa partie-la ena responsabilité pou mette enn demonstration dan so sujet; li pa bizin faire demonstration-la li-mem. Fodé ki bann dimoune ki li choisir zot bien qualifié pou faire bien ressorti sa bann point ki bizin-la ek zot exemplaire, ek bizin faire bann l’arrangement bien en avance si possible. Li pli bon si pa servi bann proclamateur ki nouveau ek ki pena l’experience pou faire demonstration si c’est zis pou donne zot l’occasion monte lor l’estrade, mais kapav servi certain couma bann interlocuteur. Bann proclamateur ki faire demonstration bizin faire enn fason ki, kan zot pé faire zot presentation, zot en face avek l’auditoire. Bann ki finn choisir pour faire enn interview bizin faire zot bann commentaire lor l’estrade au lieu ki zot reste dan zot place. Bizin faire repetition pou bann demonstration ek interview. Si arrivé ki l’heure reunion inn depassé frere-la bizin raccourci so sujet, mais li pou evite elimine bann demonstration ek interview. Bann assistant ministeriel bizin verifié avek coordinateur college ancien ou-soit avek enn lot ancien avant ki zot choisir bann participant.
Si dan enn partie ena bann instruction special, bizin suive zot bien. Kan presente bann different partie dan reunion service couma inn mentionné dan sa lartik-la, bann frere pou contribué ki reunion service “passe couma bizin ek dan l’ordre.”—1 Cor. 14:40.