Nou pou donne enn grand temoignage
1. Pendant Mémorial, ki kitsoz encore kapav impressionne bann visiteur, a part discours ki pou ena? Expliké.
1 Kan? Jour ki pou ena Mémorial. Nou finn faire bann grand zeffort pou invite bann dimoune pou vinn assisté sa l’evenement-la avek nou. C’est pa zis seki zot tendé ki pou impressionne zot. Apré ki li ti assisté Mémorial, enn madame ti koz surtout lor seki li ti trouvé—zot tou ti bien amical ek batiment ki ti’nn construire ti joli, prop ek bann volontaire ti bien entretenir batiment-la. Alors, pa zis orateur-la, mais nou tou nou kapav faire nou part pou donne enn temoignage lor l’evenement pli important ki ena dan l’année.—Éph. 4:16.
2. Couma sakenn parmi nou kapav donne bann visiteur enn bon temoignage?
2 Donne bann visiteur enn bon l’accueil: Nou pou donne bann visiteur enn bon temoignage si nou accueillir zot avek enn joli sourire. (Jean 13:35) Mem si ou pa kapav koz avek tou dimoune, ou kapav presente ou ar bann dimoune ki ou joinde. (Héb. 13:1, 2) Donne tou ou l’attention bann visiteur ki parette pa konn personne. Kitfois kikenn inn invite zot pendant campagne l’invitation. Ou kapav demann zot: “Eski premier fois ou vinn la?” Invite zot pou assize pré kot ou, ek propose zot pou reponn n’importe ki question ki zot ena. Si ou bizin allé vite parski ena enn lot congregation ki pou servi la Salle, ou kapav dire: “Mo ti pou content koné ki ou pensé lor sa reunion-la. Eski ena enn moyen mo kapav contacté ou?”
3. Couma nou kapav accueillir bann inactif?
3 Accueillir bann inactif: Pena doute ki pou ena bann proclamateur inactif ki pou vini, parmi pou ena bann ki chaque l’année assisté zis Mémorial. Accueillir zot, ek faire zot koné ki ou vrai-mem content pou trouve zot. (Rom. 15:7) Bann ancien kapav al visite zot pa trop longtemps apré Mémorial, pou encourage zot pou contigne frequente congregation. Nou prié ki beaucoup dan l’assistance pou senti zot poussé pou rann gloire Bondié, pa zis a cause seki zot inn tendé mais aussi a cause nou “bann bon action ki zot inn trouvé avek zot prop lizié.”—1 Pierre 2:12.