Accueil Zot!
1. Ki l’occasion donne nou enn grand possibilité pou rann temoignage, ek kifer?
1 A part Mémorial, pena enn lot l’occasion ki donne nou pli grand possibilité pou rann temoignage. Reflechi enn coute: Sa l’année-la, nou pé attann plus ki dix million visiteur ki pou vinn assisté Mémorial ek ki pou ecoute enn discours ki pou koz lor deux pli grand action ki’nn faire par amour a travers la ranson. (Jean 3:16; 15:13) Zot pou aprann ki bann benediction zot kapav gagné grace a cadeau ki Jéhovah inn donné. (Is. 65:21-23) Mais sa jour-la, c’est pa zis l’orateur ki pou rann temoignage. Nou tou dan l’assistance pou gagne l’occasion rann enn grand temoignage kan nou bien accueil bann dimoune.—Rom. 15:7.
2. Couma nou kapav bien accueil bann visiteur?
2 Au lieu ki ou zis rod enn place ek attann kan programme pou commencé, eski ou kapav prend l’initiative pou presente-ou-mem ar bann visiteur? Kitfois, zot pa senti zot a l’aise ek pa trop koné ki pou ena. Kan nou accueil zot avek enn grand sourire ek montré-nou amical, sa pou mette zot a l’aise. Pou koné si enn kikenn inn vini parski li’nn gagne enn l’invitation, ou kapav demann li si c’est premier fois ki li pé vinn nou reunion ou-soit si li konn enn kikenn dan congregation. Kitfois ou kapav invite li pou assize a coté ou ek pou suive dan ou la Bible ek ou cantik. Si pé faire sa reunion-la dan la Salle du Royaume, kitfois ou kapav faire li faire enn ti visite. Apré discours, prend le temps pou reponn so bann question. Si ou congregation bizin sorti vite dan la Salle du Royaume pou ki enn lot congregation faire reunion, ou kapav demann dimoune-la: “Couma ou’nn trouve programme-la? Couma mo pou kapav reprend contact avek ou?” Ek apré, faire bann l’arrangement pou suive so l’interet. Bann ancien pou surtout rod bann l’occasion pou encourage bann proclamateur inactif ki’nn vinn assisté Mémorial.
3. Kifer li important ki nou prend l’initiative pou accueil bann visiteur ki vinn Mémorial?
3 Pou beaucoup visiteur, c’est premier fois ki zot pou trouve la joie, la paix, ek l’unité ki ena parmi peuple Bondié. (Ps. 29:11; Is. 11:6-9; 65:13, 14) Ki kitsoz pou’nn mark bann visiteur apré Mémorial? Tou pou depann lor l’accueil ki nou pou donne zot.