Bann modele presentation
Pou commence bann l’etude la Bible premier samedi dan mois septembre
“Dimoune dan different nationalité ek croyance religieux prié toulé-jour. Eski ou pensé Bondié ecoute ek reponn tou bann la priere?” [Laisse dimoune-la reponn.] Apré sa donne li enn copie La Tour de Garde 1er septembre ek examine ensam avek li paragraphe ki trouve enba premier sous-titre lor page 16 ek enn parmi bann verset ki’nn cité. Offert li enn Réveillez-vous ! aussi, ek faire bann l’arrangement pou retourné pou examine reponse prochain question.
La Tour de Garde 1er septembre
Montré couverture magazine-la ek demann dimoune-la: “Couma ou ti pou reponn sa question-la? [Laisse dimoune-la reponn.] Remark seki la Bible dire concernant sa sujet-la. [Lire 1 Jean 5:19.] Dapré sa verset-la, “sa kikenn ki mauvais-la,” setadir Satan le Diable, pé dirige le monde. Mais sa souleve certain question. Kot-sa Satan sorti? Eski vrai-mem li existé? Pou comié le temps Bondié pou laisse li dirigé? Sa magazine-la montré nou seki la Bible dire.”
Réveillez-vous! Septembre
“Zordi beaucoup dimoune bien stressé a cause probleme finance. Kifer eski ou pensé li bien difficile pou joinde lé-deux boute? [Laisse dimoune-la reponn.] Dan la Bible ena bann bon conseil ki finn aide beaucoup dimoune pou bien konn servi kass ki zot gagné. [Lire enn parmi bann verset ki trouve dan page 8 ek 9.] Dan sa magazine-la ena bann conseil pratik ki kapav aide bann dimoune ki pé lutté parski zot ena dette.”