Bann Model Prezantasion
Pou Koumans Bann Letid Labib Premie Samdi dan Mwa Septam
“Boukou dimounn krwar an bann anz. Eski ou osi parey? [Les dimounn-la reponn.] Antan ki bann kreatir spiritiel, bann anz zot bien-bien pwisan. Me eski ou panse zot kapav ed nou? Labib dir nou kouma zot pe ed bann dimounn zordi.” Montre dernie paz Latour Degard 1e Septam, ek examinn ansam bann paragraf anba premie kestion ek omwin enn verse ki’nn site. Ofer dimounn-la bann magazinn-la, ek fer laranzman pou retourne pou examinn prosin kestion.
La Tour de Garde 1e Septam
“Eski ou osi ou ena linpresion ki bann dimounn pe detrir later zordi? [Les dimounn-la reponn.] Bann dimounn pa kapav repar bann dega ki zot inn fer. Me, Labib dir ki Bondie Li, Li kapav ek Li ena dezir pou fer sa ek Li donn nou sa lasirans-la dan Psaume 65:9. [Lir.] Sa nimero Latour Degard-la explike kouma Bondie pou repar later ek ki nou bizin fer pou profit sa bann benediksion ki pe atann nou la. Mo pou bien kontan les sa avek ou.”
Réveillez-vous! Septam
“Boukou dimounn zordi dir ki zot patron donn zot telman travay ki zot anvi sove parski zot nepli kapav tini tou sa presion-la. Bann exper dir ki tro boukou travay kapav fini enn dimounn net, ek sa kapav fer li gagn bann problem lor plan fizik ek emosionel. Me, dapre ou, ki kapav ed enn dimounn pou regagn so lekilib? [Les dimounn-la reponn.] Mo ti pou kontan montre ou enn bon konsey ki sorti dan Labib. [Lir Ecclésiaste 4:6.] Sa magazinn-la koz lor kat mwayin pratik ki ed nou reget nou bann priorite ek ed nou pou fer fas ar stres, presion ek fatig dan travay.”