Bann modele presentation
Pou commence bann l’etude la Bible premier samedi dan mois septembre
“Beaucoup dimoune croire ki enn jour Bondié pou juge zot dapré zot bann action. Ki ou pensé, eski nou bizin peur Jour Jugement? [Laisse dimoune-la reponn.] Guette seki li dire ici.” Donne dimoune-la La Tour de Garde 1er septembre, en français, ek examine ensam paragraphe ki trouve enba premier sous-titre lor page 16. Lire au moins enn parmi bann verset ki’nn cité. Offert li bann periodik, ek faire bann l’arrangement pou retourné pou examine prochain question.
La Tour de Garde 1er septembre
“Dan beaucoup pays, faire discrimination ar bann madame ek pa traite zot bien. Malheureusement, parfois bann croyance religieux finn favorise sa. Eski ou pensé ki Bondié vrai-mem interessé ar bann madame? [Laisse dimoune-la reponn.] Guetté couma la Bible demann bann mari pou traite zot femme. [Lire Éphésiens 5:28, 29.] Sa magazine-la montré seki la Bible aprann nou lor fason ki Bondié considere bann madame.”
Réveillez-vous! Septembre
“Beaucoup dimoune dire ki enn jour nepli pou ena la vie lor la terre, kitfois a cause enn la guerre nucleaire ou-soit enn catastrophe naturel, couma enn asteroïde ou-soit enn changement dan climat. Eski ou pensé li vaut la peine ki nou croire dan sa bann prediction-la, ou-soit c’est zis bann invention? [Laisse dimoune-la reponn.] La Bible faire sa promesse bien reconfortant-la. [Lire Psaume 37:29.] Sa magazine-la examine certain scenario concernant la fin, ki souvent nou tendé ek aussi seki la Bible li, li dire lor seki pou arrivé dan l’avenir.”