Douze raison pou preché

Kifer nou preché ek nou enseigne la bonne nouvelle? Eski raison principal c’est pou aide bann dimoune sincere pou marche lor chemin ki amenn vers la vie? (Mat. 7:14) C’est sa raison-la ki trouve en premier dan la liste ki’nn cité enba, mais c’est pa sa ki raison principal. Zis apré, nou trouve 12 raison ki nou ena pou participe dan ministere. Lekel parmi sa bann raison-la ou pensé pli important?

1. Pou sauve la vie bann dimoune. ​—Jean 17:3.

2. Pou averti bann mauvais. ​—Ézék. 3:18, 19.

3. Pou accompli enn prophetie la Bible. ​—Mat. 24:14.

4. C’est enn fason ki Bondié montré so justice. Personne pa pou kapav accuse Jéhovah ki Li’nn detruire bann mauvais dimoune sans ki Li’nn donne zot l’occasion pou repenti.​—Actes 17:30, 31; 1 Tim. 2:3, 4.

5. Pou rempli l’obligation ki nou ena pou donne bann dimoune, ki’nn acheté ar di-sang Jésus, enn l’aide spirituel. ​—Rom. 1:14, 15.

6. Pou nou pa responsable la mort bann dimoune.​—Actes 20:26, 27.

7. Li enn condition pou nou prop delivrance.​—Ézék. 3:19; Rom. 10:9, 10.

8. Sa montré ki nou ena l’amour pou nou prochain.​—Mat. 22:39.

9. Sa montré ki nou pé obeir Jéhovah ek so Garson.​—Mat. 28:19, 20.

10. Sa forme partie dan nou l’adoration.​—Héb. 13:15.

11. Sa montré nou l’amour pou Bondié.​—1 Jean 5:3.

12. Sa permette ki nom Jéhovah sanctifié.​—Is. 43:10-12; Mat. 6:9.

Bien sur, c’est pa zis a cause sa bann raison-la ki nou participe dan ministere. Par exemple, kan nou preché sa fortifié nou la foi ek donne nou privilege pou travail ensam avek Bondié. (1 Cor. 3:9) Selman, raison pli important kifer nou participe dan nou ministere c’est numero 12. Ki bann dimoune ecoute nou ou-soit non, nou ministere contribué pou sanctifié nom Jéhovah ek permette Jéhovah reponn sa kikenn ki pé provok Li la. (Prov. 27:11) En realité, nou ena bann bon raison pou “contigne enseigne ek annonce la bonne nouvelle sans arreté.”​—Actes 5:42.