“Vive en Paix Avek Tou Dimoune”

1. Ki conseil Biblik nou bizin appliké kan nou zwenn bann dimoune ki en colere dan predication?

¹ Bann serviteur Jéhovah content la paix, ek nou ministere koz lor la paix. (Is. 52:7) Mais selman, parfois nou zwenn bann dimoune ki en colere parski nou pé preche kot zot. Ki pou aide nou favorise la paix dan sa bann situation-la?​—Rom. 12:18.

2. Kifer li important ki nou ena discernement?

² Ena Discernement: Mem si certain en colere parski zot opposé ar la verité, certain kapav en colere pou bann raison ki pena okenn rapport avek nou message. Kitfois nou’nn passe dan enn mauvais ler. Kapav li en colere a cause bann probleme personnel. Mem si dimoune-la en colere a cause la bonne nouvelle, nou bizin rappel ki kitfois li reagir coumsa parski finn embete li. (2 Cor. 4:4) Kan nou ena discernement sa pou aide nou garde nou calme ek realisé ki c’est pa avek nou personnellement ki dimoune-la en colere.​—Prov. 19:11.

3. Couma nou kapav montré respé envers bann dimoune dan predication?

³ Montré Respé: Beaucoup dimoune dan territoire ena bann croyance ki bien enraciné. (2 Cor. 10:4) Zot ena droit pou decidé si zot pou ecoute nou ou-soit non. Fodé jamais nou meprise croyance enn dimoune ou-soit donne l’impression ki nou pli superieur ki li. Si li dire nou allé, nou ecoute li avek respé ek nou allé.

4. Ki sa vedir ena bann parole ki faire plaisir pou tendé?

⁴ Bann Parole ki Faire Plaisir pou Tendé: Mem si bann dimoune mal koz ar nou, nou bizin koz avek douceur ek nou bann parole bizin faire plaisir pou tendé. (Col. 4:6; 1 Pierre 2:23) Au lieu ki nou rente dan enn grand discussion, essaye trouve bann point lor ki nou toulé-deux d’accord. Kitfois avek tact nou kapav demann dimoune-la kifer li pense coumsa. Mais selman, pou evité ki dimoune-la en colere plus, parfois li pli bon ki nou pa tini conversation.​—Prov. 9:7; 17:14.

5. Ki bann bienfait nou gagné kan nou favorise la paix dan nou ministere?

⁵ Si nou favorise la paix, kitfois dimoune-la pou rappel fason ki nou’nn reagir ek li pou ecouté prochaine fois ki enn Témoin preche avek li. (Rom. 12:20, 21) Mem si li parette bien opposé, kitfois enn jour li kapav vinn nou frere. (Gal. 1:13, 14) Ki dimoune-la interessé ou-soit non, nou pou honore Jéhovah ek donne plus valeur nou l’enseignement, si nou controle-nou-mem ek favorise la paix.​—2 Cor. 6:3.