“Donne Temoignage a Fond”
1. Ki bon l’exemple Paul inn laisse nou concernant nou ministere?
1 “Accompli to ministere a fond.” (2 Tim. 4:5) C’est avek enn bon conscience ki l’apotre Paul ti kapav donne sa conseil-la Timothée. En realité, entre 47 ek 56 N.L., Paul ti’nn faire trois voyage missionnaire. Livre Actes plusieurs fois dire ki Paul ti rann “temoignage a fond.” (Actes 23:11; 28:23) Couma nou kapav faire sa azordi?
2. Couma nou kapav donne temoignage a fond kan nou pé preche lakaz-lakaz?
2 Lakaz-Lakaz: Pou ki nou kapav zwenn bann dimoune ki jamais finn tann la bonne nouvelle, kitfois nou bizin passe dan enn lot ler pendant la journée. Kitfois chef la famille pou kot li dan la soirée ou-soit dan week-end. Chaque lakaz ki nou faire, nou bizin faire zeffort pou koz au moins avek enn dimoune, ek contigne ré-visite bann absent. Malgré tou sa zeffort-la, ki ou pou faire si ou pa reussi zwenn enn dimoune? Kitfois enn lettre ou-soit enn call telephone kapav donne bann bon resultat.
3. Ki l’occasion ou ena pou rann temoignage en publik ek dan enn fason informel?
3 En Publik ek dan enn Fason Informel: Azordi bann serviteur Jéhovah faire konn “vrai sagesse” ar tou bann dimoune ki ecouté. Parfois sa arrivé “dan chemin” ou-soit “dan bann place publik.” (Prov. 1:20, 21) Kan nou sorti pou nou bann l’activité toulé-jour, eski nou pense pou rann temoignage? Eski kapav dire ki nou “bien occupé avek la parole”? (Actes 18:5) Si oui, alors nou pé rempli nou mission pou “donne temoignage a fond.”—Actes 10:42; 17:17; 20:20, 21, 24.
4. Couma la priere ek meditation aide nou pou donne temoignage a fond?
4 Mais selman, parfois a cause nou bann faiblesse personnel ou-soit parski nou timide, sa kapav empeche nou pou rann temoignage. Mais nou kapav sur ki Jéhovah konn nou bann limite. (Ps. 103:14) Kan-mem sa, dan sa bann situation-la, nou kapav demann Li dan la priere pou donne nou courage pou kozé. (Actes 4:29, 31) Ek aussi, pendant nou l’etude personnel ek kan nou pé medite lor Parole Bondié, nou kapav faire zeffort pou augmente nou reconnaissance pou la bonne nouvelle ki ena enn grand valeur. (Phil. 3:8) Sa pou encourage nou pou preche avek zele!
5. Couma nou kapav faire nou part dan realisation prophetie Yoël?
5 Prophetie Yoël ti predire ki avant ki sa grand jour Jéhovah ki faire peur-la vini, peuple Bondié pou “contigne allé” ek pa pou laisse nanyé empeche zot preché. (Yoël 2:2, 7-9) Anou faire tou seki nou kapav pou participe dan sa travail pou rann temoignage-la, parski jamais pou ena sa encore!