Anou “rann temoignage a fond” avek zele
1, 2. Ki kitsoz impressionne ou lor fason ki Paul ti considere predication la bonne nouvelle, ek couma eski nou kapav imite so l’exemple pou “donne temoignage a fond”?
1 Pareil couma Jésus ek bann lezot fidele serviteur dan le passé, l’apotre Paul ti enn predicateur la bonne nouvelle ki ti bien zelé. Li ti “donne temoignage a fond” dan n’importe ki situation. Mem si li ti emprisonné dan so lakaz, li “ti accueil tou bann ki ti vinn kot li avek beaucoup bonté. Sans ki nanyin empeche li, li ti preche Royaume Bondié ar zot ek ti enseigne zot bann kitsoz concernant nou Seigneur Christ avek enn grand franchise.”—Actes 28:16-31.
2 Nou aussi nou kapav “rann temoignage a fond” avek zele touletan. Enn moyen pou faire sa c’est kan nou rann temoignage bann dimoune ki nou joinde kan nou pé voyagé pou al l’assemblée district “Guidé par l’esprit Bondié,” ek kan nou pé retourné ek aussi avek bann dimoune ki reste dan l’endroit kot faire l’assemblée.—Actes 28:23; Ps. 145:10-13.
3. Couma eski nou kapav evité ki nou temoignage informel vinn zis enn temoignage ki nou faire sans ki nou’nn prevoir ou-soit sans ki nou’nn faire okenn preparation?
3 Ki été temoignage informel? Enn temoignage informel li pa enn temoignage ki nou faire sans ki nou’nn prevoir ou-soit sans ki nou’nn faire okenn preparation. Pareil couma dan l’exemple Paul, pou nou, donne Bondié la gloire kan nou donne temoignage, sa li enn kitsoz ki bien important. Nou donne enn temoignage chaque fois ki nou gagne l’occasion kan nou pé voyagé pou al l’assemblée sa l’année-la. Alors, nou kapav appel sa fason pou preche avek bann dimoune-la enn temoignage informel, parski li pa organisé par la congregation couma kan nou pé preché lakaz par lakaz, mais nou pé rann temoignage dan enn fason relax, amical ek naturel pa dan enn fason officiel pareil couma kan nou pé preche devant la porte enn dimoune. Sa methode-la kapav produire bann bon resultat. Kifer?
4. Ki bann l’occasion nou ena pou donne enn temoignage informel, ek ki bann preparation nou kapav faire pou donne enn temoignage ki efficace?
4 Reflechi lor sa quantité dimoune ki pa trop konn bann Témoins de Jéhovah ki ou kapav joinde kan ou voyagé. Kitfois zot pa mem koné ki nou offert bann dimoune enn l’etude biblik gratis kot zot. Veille tou bann l’occasion pou donne temoignage bann dimoune ki ou joinde kan ou pé voyagé, kan ou pé prend l’essence, kan ou pé acheté kitsoz, ou-soit kan ou lor bus-stop. Prepare en avance seki ou kapav dire pou ou commence enn conversation ek donne enn ti temoignage. Faire sur ki ou ena deux-trois publication ki ou pou kapav offert zot. Kitfois, dan bann jour ki pé vini ou kapav pratik-pratiké ek essaye donne temoignage informel ou bann voisin, ou famille, ou bann collegue travail ek lezot dimoune ki ou koné.
5. Ki bann qualité nou bizin faire zeffort pou developpé kan nou “rann temoignage a fond” pou nou kapav faire predication la bonne nouvelle avancé?
5 Faire tou seki nou kapav pou faire la bonne nouvelle avancé: Pendant deux l’année ki Paul ti emprisonné dan so lakaz dan Rome, li ti trouvé ki so bann zeffort pou rann temoignage ti produire bann bon resultat. Maziné ki quantité content Paul ti content kan li ti tendé ki so bann frere ek soeur pé montré zot zele pareil couma li! Anou faire tou seki nou kapav pou faire predication la bonne nouvelle avancé kan nou donne temoignage informel lor nou bann croyance lor la Bible dan periode l’assemblée district sa l’année-la!