Eski ou’nn paré pou rann temoignage informel?
1. Ki l’exemple montré ki temoignage informel kapav enn kitsoz ki efficace?
1 Temoignage informel kapav bien efficace. Dan la Bible ena beaucoup l’exemple bann dimoune ki finn rann temoignage informel ek ki finn gagne bann bon resultat. (Jean 4:7-15) Couma nou kapav prepare-nou pou donne sa qualité temoignage-la?
2. Couma nou linge ek nou coiffure kapav aide nou pou nou donne temoignage?
2 Nou l’habillement ek nou coiffure: Kan nou faire attention ar nou l’habillement ek nou coiffure dan n’importe ki moment, nou pou pli a l’aise pou rann temoignage avek lezot. (1 Tim. 2:9, 10) Si nou ena l’impression ki nou linge pa montré ki nou represente bien Jéhovah, nou pou hesité pou rann temoignage. Par kont, si nou l’apparence bien prop ek en ordre, sa kapav pousse lezot pou demann nou kifer nou bien habillé. Par exemple, kan enn couple ti pé voyagé, zot ti assize pré kot enn missié musulman. Missié-la ti remark zot l’apparence ek li ti demann zot si zot ti bann chretien. Sa finn faire zot gagne enn conversation lor la Bible pendant trois heure temps.
3. Pareil couma Jésus, couma ou finn commence enn conversation?
3 Commence bann conversation: Pou commence so conversation avek enn Samaritaine ki li ti joinde kot la fontaine Jacob, Jésus ti zis demann li de l’eau pou boire. Nou aussi pareil, nou kapav commence enn conversation par enn simple commentaire ou-soit par enn ti question. Mem si parfois nou kapav hesité, mais si nou compte lor l’aide Jéhovah, nou pou kapav “prend beaucoup courage” pou commence enn conversation.—1 Thess. 2:2.
4. Couma nou kapav prepare-nou pou donne temoignage informel?
4 Crée bann l’occasion: Beaucoup proclamateur finn trouve bann moyen pou donne temoignage informel. Examine ou situation, ek mazinn bann dimoune ki ou pou kapav joinde dan la journée. Amenn avek ou bann publication approprié ek enn ti la bible. Observe bien, ek interesse-ou avek bann dimoune ki autour ou. Kan ou pense en avance lor bann l’occasion ki ou pou kapav ena pendant la journée, ou pou paré pou donne enn bon temoignage.—Phil. 1:12-14; 1 Pierre 3:15.
5. Kifer fodé pa nou faire temoignage informel zis kan l’occasion presenté?
5 Nou ena deux bon raison pou profite bann l’occasion pou donne temoignage informel—l’amour pou Bondié ek l’amour pou nou prochain. (Mat. 22:37-39) Parski ki la predication li enn travail urgent, nou pa kapav faire temoignage informel zis kan l’occasion presenté. Nou bizin paré pou saisi chaque l’occasion approprié pou partage la bonne nouvelle lor Royaume Bondié avek lezot pendant ki nou ena encore le temps.—Rom. 10:13, 14; 2 Tim. 4:2.