Couma pou Servi: Kisannla pé faire volonté Jéhovah zordi?
Enn Nouveau Brochure ki Finn Faire pou Dirige Bann Etudiant la Bible Vers l’Organisation
1. Ki trois l’objectif brochure Volonté Jéhovah ena?
1 Eski ou’nn commence servi nouveau brochure Kisannla pé faire volonté Jéhovah zordi? So l’objectif c’est (1) faire bann etudiant la Bible konn pli bien kisannla bann Témoins de Jéhovah été, (2) aide zot koné ki nou faire, ek (3) montré zot couma nou l’organisation fonctionné. Brochure Volonté Jéhovah ena enn leson par page ki facile pou examiné dan zis cinq a dix minute apré chaque l’etude.
2. Decrire bann caracteristik sa brochure-la.
2 So Bann Caracteristik: Brochure-la divisé en trois section, ek chaque section koz lor enn different l’aspect l’organisation Jéhovah, couma nou’nn trouvé dan premier paragraphe. Ena 28 leson ek titre chaque leson dan forme enn question, ek bann sous-titre ki en caractere gras reponn question-la. Toute-longue brochure-la ena bann photo plus ki 50 pays avek nom sa bann pays-la pou montré ki nou l’activité li international. Dan plusieurs leson ena l’encadré “Konn plus,” kot ena bann suggestion ki ou kapav encourage ou l’etude pou mette en pratik.
3. Couma nou kapav servi brochure Volonté Jéhovah?
3 Couma Ou Kapav Servi Li: Premierement, attire l’attention dimoune-la lor titre leson-la. Apré-sa, a mesure ki zot lire leson-la ensam, attire so l’attention lor bann sous-titre ki en caractere gras. Finalement, examine bann question revision ki trouve enba lor page-la. Ou kapav lire leson-la en entier ou-soit lire ek discute li sous-titre par sous-titre. Servi ou bon jugement pou decidé ki bann verset ki’nn cité ou pou lire. Pa blié examine bann zimage ek l’encadré “Konn plus.” En general, bizin examine bann leson-la dan l’ordre. Selman, senti-ou libre pou faire enn lot leson ki koz lor enn kitsoz ki li bon dimoune-la koné desuite. Par exemple, si pou ena enn l’assemblée bientot, ou kapav saute bann leson ek faire leson 11.
4. Kifer ou content pou gagne sa nouveau brochure-la?
4 Kan nou etudié la Bible avek enn dimoune, nou aide li pou konn nou Papa ki dan le ciel. Selman, nou bizin aussi enseigne li lor l’organisation Jéhovah. (Prov. 6:20) Nou bien content nou’nn gagne sa nouveau brochure-la ki pou aide nou faire sa!