Kisannla Pe Fer Volonte Jéhovah Zordi?

1. Kan eski nou pou koumans etidie Kisannla Pe Fer Volonte Jéhovah Zordi? ek ki bann bienfe nou pou gagne?

¹ Apartir semenn 28 Oktob, nou pou etidie Kisannla Pe Fer Volonte Jéhovah Zordi? dan Letid Biblik Kongregasion. Nou ti gagn sa nouvo brosir-la dan Lasanble Distrik “Protege to leker!” ek so lobzektif se pou diriz bann etidian Labib ver lorganizasion. Kan nou pou examinn sa piblikasion-la, sa pa pou zis ogmant rekonesans ki nou ena pou form parti dan lorganizasion Jéhovah, me sa pou osi ed nou pou vinn pli familie avek sa nouvo brosir-la ki enn zouti inportan pou nou minister.​—Ps. 48:13.

2. Kouma pou etidie sa brosir-la dan kongregasion?

² Kouma Pou Etidie Sa Brosir-La: Dan sa brosir-la ena antou 28 leson. Frer ki pe kondir letid bizin asire ki li pran mem kantite letan pou sak parti enn leson. Pou koumans sak leson, frer-la pou lir tit leson-la ki dan form enn kestion. Apre sa, li pou demann frer ki pe fer lektir pou lir premie paragraf. Ek apre sa, frer ki pe kondir letid pou poz lasistans enn kestion ki li’nn prepare pou premie paragraf. Apre, pou lir ek pou diskit lor sak parti ki koumans avek enn fraz an karakter gra. Kan fini lir parti-la, frer ki pe kondir letid pou demann lasistans pou dir kouma sa parti-la reponn kestion ki ena dan tit sa leson-la. Dan brosir Volonte Jéhovah ena osi boukou zimaz lor ki lasistans kapav fer bann komanter. Si ena letan, lir bann verse inportan. Avan fer prosin leson, frer ki pe kondir letid pou fer enn revizion; li pou poz bann kestion ki trouv anba lor paz-la. Si lor paz-la ena lankadre “Konn plis,” li pou demann frer ki pe fer lektir, lir lankadre-la ek li pou demann lasistans pou dir kouma bann etidian Labib kapav tir profi ar bann sigzestion ki ena ladan. Pou termine, si ankor ena letan, frer-la kapav servi tit leson kouma kestion revizion. Rapel ki li pa neseser swiv sa metod-la kan pe fer letid ar bann dimounn.

3. Kouma nou kapav profit bien letid sa brosir-la?

³ Pou profit bien sa letid-la, prepar ou bien avan ou vinn renion. Fer zefor pou donn bann komanter. Anmemtan, reflesi kouma sa bann linformasion-la kapav ed bann etidian Labib. Pena dout ki kan nou pou examinn sa nouvo brosir-la, sa pou prepar nou pou ed lezot fer volonte Bondie ansam avek nou, pou ki zot osi zot kapav gagn lesperans pou viv pou touletan.​—1 Jean 2:17.