Amelior Nou Bann Kapasite dan Nou Minister​—Pran Not kan Nou Zwenn Bann Ki Interese

“Kontign vey bien lor tomem ek lor to lansegnman.” (1 Tim. 4:16) Sa konsey inspire ki lapot Paul ti donn Timothée la montre ki nou bizin fer bann gran zefor pou progrese, ki nou nouvo ouswa nou ena lexperyans. Pou ed nou fer sa, pou ena enn nouvo seri lartik ki pou paret dan Nou Minister. So tit se: “Amelior Nou Bann Kapasite dan Nou Minister.” Sak lartik pou koz lor enn kapasite inportan ek pou donn sertin sigzesion kouma pou devlop sa kapasite-la. Pandan sa mwa-la, nou pou fer zefor pou devlop pli bien sa kapasite-la. Alafin sa mwa-la, dan enn parti Renion Servis, nou pou gagn lokazion pou dir ki bann bienfe nou’nn gagne kan nou’nn esey fer sa. Pou sa mwa-la, nou pou fer zefor pou pran not kan nou zwenn bann ki interese.

Kifer Sa Inportan?: Pou ranpli nou mision, fode pa nou zis prese. Nou bizin retourn get bann ki’nn manifeste lintere ek ansegn zot. Kan nou fer sa, nou pe aroz bann lagrin laverite ki nou’nn plante. (Mat. 28:19, 20; 1 Cor. 3:6-9) Pou fer sa, nou bizin rezwenn dimounn-la, koz lor seki interes li, ek kontign konversasion ki nou ti gagne avek li dernie fwa. Alor, kan nou zwenn enn dimounn ki interese, li inportan ki nou pran not.