Fer Tou pou Rann Sa Lepok Memoryal la Zwaye!
1. Sit enn fason kouma nou kapav ogmant nou lazwa pandan lepok Memoryal.
1 Eski ou ti pou kontan ogmant ou lazwa pandan mwa Mars, Avril, ek Me? Enn fason pou fer sa, se kan ou fer plis dan ou minister ek, si posib, fer pionie tanporer. Kouma sa pou fer ou gagn plis lazwa?
2. Kan nou fer plis dan nou minister, kouma sa ogmant nou lazwa?
2 Ogmant Ou Lazwa: Jéhovah finn kree nou dan enn fason pou gagn lazwa ek satisfaksion kan nou ador Li ek kan nou satisfer bann bezwin spiritiel ki nou ena. (Mat. 5:3) Li’nn kree nou osi dan enn fason pou nou gagn lazwa kan nou partaz ar lezot. (Actes 20:35) Nou minister permet nou fer toulede—pou ador Bondie ek pou ed bann dimounn. Li lozik ki kan nou fer plis dan nou minister, sa donn nou plis lazwa. Ek osi, plis nou prese, plis nou pou kapav vinn pli efikas. Kan nou vinn efikas, sa fer nou gagn plis konfians ek diminie nou trak. Nou pou osi gagn plis lokazion pou rann temwaniaz ek pou koumans bann letid Labib. Tousala fer nou gagn plis lazwa dan nou minister.
3. Kifer Mars ek Avril se sirtou bann bon mwa pou fer pionie tanporer?
3 Mars ek Avril pou sirtou bann bon mwa pou fer pionie tanporer, parski nou kapav swazir pou fer swa 30 er swa 50 er. Anplis, apartir Samdi 22 Mars ziska zour Memoryal ki tom Lindi 14 Avril, nou pou partisip dan enn kanpagn kot nou pou invit lezot pou asiste Memoryal. Sa kanpagn-la pou fer nou gagn boukou lazwa. Pou ena enn bon lanbians dan bann kongregasion parski boukou pou travay “kot-a-kot” pou kouver maximum teritwar pandan sa peryod-la.—Tseph. 3:9.
4. Si nou anvi fer pionie tanporer, ki nou bizin fer?
4 Prepar Ou Depi Asterla-Mem: Si ou pankor fer li, pran letan pou examinn ou program ek gete ki bann sanzman ou kapav fer pou fer plis dan ou minister pandan enn ouswa plizir mwa. Koz sa dan lapriyer. (Jacq. 1:5) Koz sa avek ou fami ek lezot dan kongregasion. (Prov. 15:22) Kitfwa ou pou trouve ki, mem si ou ena bann problem lasante ouswa enn travay ki pran boukou ou letan, ou’si ou kapav konn lazwa ki gagne kan fer pionie tanporer.
5. Ki bienfe nou pou gagne si nou fer plis dan nou minister pandan sa lepok Memoryal la?
5 Jéhovah anvi ki so bann serviter zwaye. (Ps. 32:11) Kan nou fer zefor pou fer plis dan nou minister pandan sa lepok Memoryal la, sa pa pou zis ogmant nou lazwa, me sa pou osi fer nou Papa ki dan lesiel kontan.—Prov. 23:24; 27:11.