Lepok Mémorial—Enn bon l’occasion pou augmente ou l’activité!
1. Ki raison nou ena pou augmente nou l’activité pendant mois mars, avril ek mai?
1 Eski ou kapav augmente ou participation dan predication pendant lepok Mémorial ki pé vini? Dan beaucoup l’endroit le temps pou bon ek pou faire clair ziska tard. Certain proclamateur pou gagne congé lekol, zot kapav profité pou faire plus dan predication. A partir le 2 avril, nou pou ena enn campagne special pou invite bann ki interessé pou assisté Mémorial avek nou le 17 avril. Apré sa, nou pou faire zeffort pou contigne suive l’interet bann dimoune ki’nn assisté Mémorial ek invite zot pou discours special ki pou ena semaine 25 avril. Oui, ena bann bon raison pou augmente nou l’activité pendant mois mars, avril ek mai.
2. Cite enn bon fason nou kapav faire plus dan nou ministere.
2 Pionnier auxiliaire: Enn bon fason pou faire plus c’est faire pionnier auxiliaire. Parski nou tou nou bien occupé, nou pou bizin organise-nou en avance ek faire bann changement lor nou programme. (Prov. 21:5) Kitfois ou kapav renvoye bann activité ki pa vrai-mem important dan ou la vie toulé-jour. (Phil. 1:9-11) Kifer ou pa koz lor ou desir pou faire pionnier avek lezot dan congregation pou guetté si zot kapav faire pionnier auxiliaire ensam avek ou?
3. Couma bann famille kapav organise-zot pou faire plus?
3 Pendant ou prochain soirée kot ou pou etudié en famille, li pou bon ki ou koz lor ou bann l’objectif en famille. (Prov. 15:22) Si tou dimoune dan la famille cooperé, kitfois certain membre la famille kapav faire pionnier auxiliaire pendant enn mois ou-soit plus. Mais ki ou pou faire si ou rann-ou compte ki li pa pou possible? Kitfois bann membre la famille kapav kan-mem organise-zot pou augmente zot l’activité kan zot preché dan la soirée ou-soit kan zot preche pli longtemps dan bann week-end.
4. Ki benediction ou pou gagné kan ou augmente ou l’activité predication pendant lepok Mémorial?
4 Jéhovah remark tou seki nou faire pou servi Li ek Li apprecié bann sacrifice ki nou faire. (Héb. 6:10) Kan nou faire bann sacrifice pou Jéhovah ek pou lezot dimoune, sa faire nou gagne la joie. (1 Chron. 29:9; Actes 20:35) Eski ou kapav augmente ou l’activité pendant periode Mémorial ek recolté la joie ek bann benediction ki ou pou gagné?